→ كل الوصفات
طريقة عمل صدور دجاج بالصوص سهله وسريعه وطعمها حكايه 😋👩🍳 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- صدور دجاج متقطعه(بانيه)
- بيضه
- حليب
- دقيق
- ملح وفلفل اسود وبابريكا
- شطه لو بتحبيها
- بقسماط
- جبنه موتزاريلا
- صلصه طماطم جاهزه نكون عصرينها يعني ونحط معلقه كبيره صلصه معلبه
- فصين ثوم مفرومين
- بقدونس
- اسباجتي مسلوقه
- زيت زيتون
- مكعب زبده
طريقة التحضير
- نتبل الدجاج بالملح والفلفل الاسود بس ومتجودووش 😂
- نكسر البيض ونضيف ليه شويه صغننين حليب
- ف طبق تاني هنضيف شويه دقيق ونضيف عليه ملح وفلفل اسود وبابريكا والشطه اختياري
- هنغطي الدجاج بالبيض وبعدين الدقيق وبعدين البقسماط
- الصوص بقه 😍 : ف حله صغننه هنحط زيت زيتون ونشوح فصين الثوم واول ما تطلع ريحته هنحط البقدونس متقطع صغير ومعاهم الطماطم ومعلقه الصلصله الكبيره وشويه موتزاريلا ونقلبهم شويه ونوطي عليهم شويه ع النار
- هندوب الزبده ونحمر الدجاج فيها وش وضهر
- بعد ما الدجاج يستوي هنضيف عليه الصوص ال كنا مجهزينه بقه ع كل واحده بالكبشه ضيفي شويه صوص وفوقيهم شويه موتزاريلا وانتي بتعملي كظه رصيهم ف حاجه علشان تدخليهم الفرن ياخدو وش بس ع الجبنه تسيح عليهم
- هنكون سالقين المكرونه طبعا وهنضيف ف طبق بقه شويه مع زيت زيتون وبقدونس وفوقيهم الدجاج ال بالصوص والموتزاريلا والف هنا 😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد