→ كل الوصفات

صدور دجاج بالموزاريلا والفلفل الالوان

انا بقي ياجماعه بحب الفراخ ايوا الله بحبها 😂😂😂 الحب افتكس فيها وصفات واتلكك اشتريها وفي الاخر تطلع وصفه طعمها يجنن والله يرحم الدايت 😂😂 بصي ياست الكل ورقه وقلم واكتبي المقادير ورايا

  • 500 جرام صدور الدجاج
  • 100 جرام فلفل رومي احمر مكعبات
  • 100 جرام فلفل رومي اخضر مكعبات
  • 100 جرام فلفل رومي اصفر مكعبات
  • 100 جرام مشروم
  • 1 بصله مكعبات صغيره
  • 2 حبه طماطم مكعبات
  • معلقه صغيره زعتر فريش
  • معلقه صغيره فلفل اسود
  • معلقه صغيره بهارات فراخ
  • ملعقة صغيره كمون
  • 200 جرام موتزريلا
  • 4 ملاعق كبار مسطرده
  • ملعقة كاتشب
  1. اول شئ عشان الطبخه تكون سهله عليكي تكوني مجهزه كل المكونات حواليكي بعدها اغسلي الفراخ كويس جدا خل ودقيق وتتشطف كويس جدا جدا
  2. افردي الفراخ على بلانشه وتدهن بالمسطرده بواسطه فرشاه كما موضح بالصورة
  3. ثم رشي عليها كل التوابل زعتر كمون ملح بهارات فراخ فلفل اسود و الكاتشاب وتدخل الثلاجه ساعه لكي تتشبع من التوابل
  4. بعد خروجها من الثلاجه احضري طاسه على النار بها زيت بسيط وضعي الدجاج يأخذ صدمه بالشكل ده
  5. الصوص اللي حينزل منها جميل دريسنج روعه من كل الخليط اللي اتبلت بي بس يدوب يتغير لونها انزلي بالبصله تدبل ثم الفلفل الالوان يدبل انزلي بالمشروم ثم الطماطم اخر شئ الموتزريلا وتغطي بغطاء غلوتين وتطفي وبالهنا عليكم
عجبتك الوصفة؟
شوف كل وصفاتنا في مكان واحد
كل الوصفات →