→ كل الوصفات

صدور دجاج و باستا بينى بصوص البيستو

اكلة من المطبخ الايطالى سهلة و سريعة والطعم خيااال #bosy_recipes #باستا #دجاج

  • 3 صدر دجاج
  • 6 معالق كبيرة من صوص البيستو
  • 3 شرايح جبنة شيدر
  • 1/2 كوب زيتون اسود
  • مكعب زبدة
  • فص ثوم مهروس
  • مكعب مرقة دجاج
  • 1/2 كوب ماء
  • كوب كريمة
  • ملح وفلفل اسود حسب الرغبة
  • 1/2 عبوة مكرونة بينى
  • معلقة زيت
  1. نفتح جيب فى صدور الفراخ من المنتصف ونتبل الصدور بملح و فلفل اسود
  2. نحشى الجيب بالجبنة الشيدر وشرائح من الزيتون ونغلقه بواسطة خلة الاسنان
  3. فى مقلاة على النار نصع مكعب زبدة ونشوح الفراخ على الجانبين
  4. نضيف فص الثوم المهروس و٤ معالق من صلصة البيستو ومكعب مرقة الدجاج ونضيف ١/٢ كوب من الماء ونظبط الملح والفلفل ونغطيها ونتركها ١٥ دقيقة على نار هادية
  5. فى هذا الاثناء نسلق المكرونة فى ماء مغلى مضاف له معلقة زيت ورشة ملح نسلقها ٣/٤ سوا ثم نصفيها بالمصفاة
  6. نرفع الغطاء من قدر الدجاج ونضيف كوب كريمة يغلى ٣ دقايق مع الفراخ ثم نرفع الفراخ من الصوص ونضعها فى طبق جانبا
  7. نضيف المكرونة الى الصوص ونزود المعلقتين المتبقيتين من صوص البيستو ونضيف الباقى من الزيتون و نضيف جبنة بارميزان
  8. تترك المكرونة على نار هادية لمده خمس دقائق حتى تكمل النضج وتتشرب الصوص وتذوب بها الجبن ثم ترفع من على النار
  9. نقدم الفراخ بجانب المكرونة وألف هنا الطعم خيااااال
عجبتك الوصفة؟
شوف كل وصفاتنا في مكان واحد
كل الوصفات →