→ كل الوصفات
طريقة عمل صدور فراخ بالتوم والزعتر مع البطاطا الحلوه بالتوابل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 صدور فراخ مخليه سليمه
- 5 فصوص توم مفروم
- عصير ليمونه
- رشة زعتر
- ملعقة ملح
- رشة فلفل
- رشة بابريكا
- 2 معلقه كبيره زبادي
- كوب جبنة موزريلا
- نص باقة كزبرة خضرا مخرطة
- 3 حبات البطاطا الحلوه مقطعين حلقات
- ملح
- فلفل
- زعتر
- معلقه كبيره زيت زيتون
- رشة بابريكا
- بودرة توم
- ورق زبده
طريقة التحضير
- اول حاجه صدور الفراخ نعمل فيها فتحات بس مش نوصل للاخر ونتبلها بالملح والفلفل والتوم مفروم ولمون وزبادي و زعتر وبابريكا والكزبره الخضرا ونسبها شويه حلوين في التلاجه
- وبعدين نحطها في صينيه ونغطيها بفويل وندخلها الفرن على 160 لحد ما تستوي خالص
- وبغدين نطلعها ونحط في الفتحات جبنه موزريلا وندخلها الفرن تسيح وتاخد لون ونقدمها وبالف هنا 😉😉😉
- البطاطا بقي طبعا تكون مغسوله كويس جدا ونقطعها حلقات ونتبلها بالملح والفلفل والزعتر وبودره التوم وبابريكا وزيت الزيتون ونقلب كله كويس وبعدين نحط ورق زبده في صينيه ونحط فيها البطاطا وندخلها. الفرن بردو على 160 لحد ما تستوي ونفتح الشوايه تاخد لون ونقدمها وبالف هناااا 😉😉😉😉
- وجبه كاااامله ومفيده وصحيه والطعم راااائع جربوهااااا) ( قدمت معها برقوووق وحطيته بس ياخد لون على الجريل طعمه فظيييع جدااا مع الوجبه ميكس هايل
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد