→ كل الوصفات
وتنفع للدايت
المقادير
- م. ص كمون
- م. ص زعتر
- م. ص 7 بهارات
- م. ص فلفل اسود
- م. ك من معجون صلصة طماطم
- مسطردة
- كيلو صدور فراخ
- 4 حبات من الفلفل الرومي (مكعبات)
- 3 حبات من الفلفل الالوان (مكعبات)
- 3 حبات طماطم (مكعبات)
- 2 بصلة متوسطين (مكعبات)
- جبنة موتزاريلا
- معلقة ونص كبيرة زيت ذرة او اي زيت تفضليه والدايت (زيت زيتون)
- ملح
طريقة التحضير
- اول حاجة بنتبل صدور الفراخ في صينية نرص الصدور وندهنها كلها بالمسطردة وبعدين تجيبى طبق وتحطى ملعقة معجون صلصة الطماطم مع شوية ماء وتقلبيهم وتدهنى بيه الفراخ وبعدين نحط عليها كل التوابل وتضيفى ملح بالمقدار اللي تحبيه وبعدين تحطيهم في الثلاجة لمدة نص ساعة او ساعة
- تقطعى كل الخضروات مكعبات ما عدا البصل (قطعيه قبل ما تطلعى الفراخ من الثلاجه بخمس دقائق)
- بعد ساعة او(نص ساعة) تطلعى الفراخ وتكونى حاطة طاسة على النار واسعة او صينية كبيرة وتحطى الزيت وبعدها تحطى صدور الفراخ في الطاسة وتقلبيهم لحد ما ياخدوا لون معاكى
- وبعدها تحطى البصل لحد ما يذبل وبعدين تحطى الفلفل الرومي والالوان لحد ما يذبل وبعدين تحطى الطماطم في الاخر لحد ما تذبل كده شوية لحد كده تنفع للى عاملين دايت
- هحطهم في صينية بايركس واوزع الجبنة على الوجه وممكن تسيبيها في صينيتها عادي بس انا عشان هحطها في الميكروويف حطتها في صينية صغيرة
- وبعد دقيقتين في المكروييف كده خلصت وجاهزة للتقديم ومع رشة زعتر على الوجه تديها شكل
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد