→ كل الوصفات

صدور فراخ بصوص الفلفل والكريمه

طريقة عمل صدور فراخ بصوص الفلفل والكريمه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو فراخ
  • قطع صغيره فلفل الوان مقطع
  • بصله صغيره مفرومه ناعم
  • معلقه ثوم مفروم
  • كوب كريمه طهي
  • مكعب مرقه خضار
  • ملح وفلفل وبودره ثوم وبصل وبابريكا
  • زبده
  1. نتبل الصدور بملح وفلفل وبودرة ثوم وبودره البصل ساعتين وبعد ماتتبل هننزل بمعلقه زبده كبيره في طاسه سخنه وبعدين ننزل صدور الفراخ ونضيف عليها نصف معلقه روزماري مطحون ناعم لحد ما تحمر ونقلبها الناحيه التانيه
  2. بعد ماتبقي لونها دهبي من الناحيتين هنشيلها وبعدين نحط مكعب زبده تاني ونضيف البصل والثوم والفلفل الالوان لحد مايدبل وبعدين نضيف توابل ربع معلقه ملح وفلفل و بابريكا هتدي لون حلو للصوص
  3. هنضيف بعدها نصف كوبايه ميه ومكعب المرقه وبعدين نرجع الفراخ تاني وبعدين نضيف نصف كميه الكريمه ونسبها تغلي غلوه وبعدين نطفي عليها ونضيف باقي الكريمه علي الوش وشويه كزبره اختياري وتقدم مع رز او مكرونه وبالهنا والشفا 🥰
عجبتك الوصفة؟
شوف كل وصفاتنا في مكان واحد
كل الوصفات →