→ كل الوصفات

صدور فراخ مخلية بالخضار

الوصفة سريعة جداً جداً وسهلة وتنفع للسكن زي باقي وصفاتي

  • 1 صدر فرخة
  • 1 طماطم وسط او صغير
  • 1 فلفل وسط او صغير
  • 1 بصلة وسط او صغيرة
  • عصرة ليمون
  • ملح
  • فلفل
  • كزبرة
  • كمون
  • قليل سمن او زيت
  • 2 شريحة توست (اختياري)
  1. نجيب صدر الفرخة ني نقطعه مكعبات ونتبله ب ملح وفلفل وعصرة ليمون وبعدين نجيب طاسة نحط فيها سمنة او زيت براحتكم ونشوح الفراخ
  2. بعد ما الفراخ تستوي هنشيلها في طبق. وفي نفس الطاسة هنحط بصل ونشوحه وبعدين فلفل وبعدين طماطم ونشوح كله
  3. نجيب شريحتين توست او ١ ونص حسب الرغبة ونقطعها نحطها مع الخضار ولو حابين تحمصوا التوست الاول براحتكم بس انا بحب اختار أسهل طريقة من غير اي إمكانيات
  4. اخر حاجة نحط الفراخ والتوابل براحتكم ونقلب كويس خالص وتتقدم، انا قدمتها مع بطاطس مكعبات وخيار زي الصورة الى فوق وأكلت بالشوكة بس ودي صورة أوضح للفراخ. ألف هنا ❤❤
عجبتك الوصفة؟
شوف كل وصفاتنا في مكان واحد
كل الوصفات →