→ كل الوصفات

صدور فراخ مشوية مع رز بالقرفة 😋💓

#تحدي_الدجاج

  • صدور فراخ مقطعة نصفين أو ثلاثة حسب ما تحبي سمك الفراخ
  • بصلة مبشورة
  • 3 فصوص ثوم مهروس
  • ملح وفلفل
  • 2 ملعقة خل كبيرة
  • عصير ليمونة
  • 1/4 ملعقة بابريكا
  • 1/4 ملعقة بهارات فراخ
  • 3 ملاعق زبادي
  1. أولا نغسل الفراخ كويس بالخل والملح ونصفيها كويس بعد كدة بنجيب طبق غويط ونضع فية البصل والثوم والخل والملح والليمون والفلفل والزبادي والبابريكا وكل المكونات ونقلبهم مع بعض كويس وبعدين نحوط صدور الفراخ ونسبها في التتبيله حوالي ساعتين أو أكتر يكون أحسن ☺️
  2. بعد كدة نجيب مقلاية نضعها على النار ونضع فيها زيت وملعقة زبدة ونحمر الفراخ على الجنبين وتكون النار متوسطة مش عالية ونغطي المقلاية لحد لما تستوي وتتشرب كل السوائل إلى نزلت منها ونسبها تستوي وتتحمر وقلبيها على الجنبين ولما تستوي حوطيها في طبق التقديم وقدميها على طول أو ممكن تعمليها فحمة عشان تاخد ريحة الشوي براحتك بس لما تكون بريحة الشوي بتكون أحسن وبالهنا😍❤️
  3. أنا عملت جنبها رز بالقرفة والطريقة موجودة عندي على الصفحة لو حبيتي تعملية جنبها شوفية أو أعملي إلى يناسبك جنبها بجد طعمها جميل وهتعجبك جدا🤩👌❤️
عجبتك الوصفة؟
شوف كل وصفاتنا في مكان واحد
كل الوصفات →