→ كل الوصفات
هاي الوصفة كنت شوفها كتييييير كتير بس مابعمري جربتها وبرمضان هاي السنة عملتها وزوجي حبها كتير خاصة انها معطية منظر للسفرة وهلا تعالوا نشوف مكوناتها
المقادير
- كوبين من ارز بسمتي (حبة طويلة)
- ½ كوب من الزبدة
- ¼ كيلو لحمة مفرومة تقريبا
- كوب من البازيلا والجزر
- ربع كوب زبيب
- لوز شرحات او صنوبر مقلي
- معلقة صغيرة بهار وكمون وفلفل اسود
- ½ معلقة كبيرة بهار اوزي
- معلقة كبيرة من البهارات الاتية:👇
- قرفة مطحونة
- زنجبيل مطحون
- جوزة الطيب مطحون
- ¼ ملعقة كبيرة هيل مطحون
- ملح حسب الرغبة
- سمنة لدهن الوجه او اي شي يخلي لونها اصفر
- عجينة بقلاوة
طريقة التحضير
- اول شي بتعملي الاوزي انا بعملها كالاتي زبدة وبحمص الرز معها شوي وبحط ملح والبهارات والماء الساخنة اذا ماعندي مرق وهيك لحتى يغلي الرز وتبلش الماء تتنشف بخفف تحته على نار هااااادية هادية وبغطيه ليستوي الرز
- وهلا بجيب قلاية بحط فيها زيت نباتي تقريبا ٣ ملاعق وبنزل اللحمة لتستوي وببهرها بشوية هيل مطحون وقرفة مطحونة وبهار فلفل اسود َبنزل عليها البازيلا والجزر والزبيب
- وبقلي الصنوبر وبخليه على جنب
- وبس يستوي الرز كلهم بخلطهم سوا اللحمة المفرومة والبازيلا والجزر والصنوبر وبتركهم بجاط ليبردوا
- هلأ بجيب اي صحن صغييير يكون والو شكل دائري من تحت و بجيب ورقة من عجين البقلاوة وبقسمها نصين وبحطهم فوق بعض بطريقة. الزائد وحدة افقي ووحدة عامودي وبكبس شوي لتحت لياخد شكل حلو للصحن بس اقلبه وببلش احط بكل سرة شي تقريبا من ٤ الى ٥ ملاعق ويمكن اكتر او اقل حسب حجم الصحن وبكبسهم شوي لتحت مو كتير وهلا الاطراف اللي بتضل بسكرها على بعض اللي مايطلع منها الرز بس ااقلبها بالصينية المدهونة سمنة او زيت
- بعدين بجيب السمنة وبدهن الصرر شوي شوي مشان ما تتمزع وحط عليها حبة لوز متل ماهو مبين بالصورة مشان يعطينا شكل حلو وبالفرن على نار هادية لمدة نص ساعة تقريبا ويمكن اكتر او اقل حسب الفرن بس متل مابتوطي تحت الكيك اضمن شي
- وبهيييك بتكون خلصت الوصفة واي استفسار انا جاهزة♥️♥️♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد