→ كل الوصفات
طريقة عمل صوابع الجلاش بالقشطه #حلويات_رمضان 🌙 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لفة جلاش فريش
- 1/4 كوب زبدة سايحه
- معلقه كبيره سمنه بلدي
- الكريمة
- 2 كوب لبن بلدي
- 2 معلقه كبيره نشا
- 2 معلقه كبيره سكر عادي
- 1 معلقه كبيره لبن بودر نيدو
- 1 معلقه كبيره كريم شانتيه خام
- رشة فانيليا بودر
- الشربات
- كوب ونص سكر
- 2 كوب ماء
- عصره نص ليمونة
- رشة فانيليا بودر
طريقة التحضير
- اول حاجه بعمل الشربات : - بنضع السكر والماء ونضعهم على النار ومنقلبهمش نهائي واول ما تغلي نقلبهم كويس ونتاكد السكر داب ثم نضع عصره الليمون ونتركه يغلي ٥ دقائق ثم نضع رشة الفانيليا ونطفي عليه ونتركه يبرد تماما ثم نضعه في الثلاجه (الشربات يكون ساقع)
- تاني خطوه نعمل الكريمة : -بجيب إناء ونضع فيه كل مكونات الكريمة ونخلطهم كويس بالمضرب السلك على البارد - ثم نرفعهم على النار ونقلب باستمرار لحد ما الخليط يتقل ويبقى كريمي وتغلي وتغمل فقاقيق نطفي عليها ونتركها تبرد تماما
- بنجيب صينية وندهنا زبدة كويس _ ثم بنجيب لفه الجلاش وناخد ورقتين بالطول وندهنها من خليط الزبدة + المسنه البلدي - ثم نطني الورقه للثلت ونضع الحشو على الجزء المتني (بحط الكريمة في كيس بلاستيك ليسهل الحشو) - ثم نلفها ونقفل عليها كويس ونرصها في الصينية ونخلص كل الكميةبنفس الطريقه
- ثم نقطع الجلاش صوابع بسكينه صغيرة مشرشره - تدخل فرن سابق التسخين على ١٨٠ درجه لحد ما يحمر من تحت ثم نشغل الشوايه تاخد وجه ذهبي من فوق
- اول ما الجلاش يخرج نضع عليه الشربات البارد - ثم نزين بفزدق مجروش ويتاكل دافئ او ساخن يمي بجد وبالف هنا 😋😋 # اللهم بلغنا رمضان 🌙🤲 ملحوظه : -خليط الكريمة بيكون كريمي مش تقيل فممكن اثناء التسويه في الفرن تلاقيه بيخرج من اصابع الجلاش انا كنت حابه يبقى كريمي وجوسي في الاكل -لو حبةيبقى ماسك شويه نضع ٢ ملعقة ونص نشا وتشوفي قوامها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد