→ كل الوصفات

صوابع الدجاج الستربس الحار بطريقه ناجحة جداً 🐦

#تجهيزات_رمضان 🌙

  • صدور دجاج مخلية
  • كوب كبير لبن ساقع
  • كوب كبير زبادي
  • عصير ليمونة
  • معلقة كبيرة ملح
  • معلقة صغيرة فلفل اسود
  • معلقة كبيرة هريسة شطة
  • معلقة كبيرة مستردة (خردل)
  • مكونات التتبيلة الجافة
  • 2 كوب دقيق أبيض
  • معلقة كبيرة ملح
  • ملعقة صغيرة كزبرة ناشفة
  • ملعقة كبيرة كاري
  • معلقة كبيرة بابريكا
  • معلقة صغيرة زعتر
  • معلقة كبيرة ثوم بودر
  • معلقة صغيرة فلفل اسود
  • 1/2 معلقة شطة جافة
  • زيت غزير للقلي
  • 2 كوب ماء بارد
  1. نحضر الدجاج ونقوم بتنظيفة جيداً ونقوم وضعة في مصفاة عشان ينزل كل مايتة
  2. نقطع صدر الدجاجة من النصف ونقطعة شرايح رفيعة طويلة
  3. نحضر اللبن والزبادي وعصير الليمونة والفلفل الاسود ومعلقة الملح والمستردة وهريسة الشطة ونخلطهم ببعض ونضع فوقهم شرايح الدجاج ونضعها في الثلاجة لمدة يوم او اربع ساعات على الاقل ويكون اللبن ساقع وليس بارد
  4. نخلط مكونات الدقيق مع بعض ونحضر الدجاج ونحضر٢ كوب من الماء البارد في إناء ونقوم بعمل غلاف الدجاج المقرمش باتباع هذة الخطوات
  5. نقوم بوضع الشرايح في الدقيق المبهر ونأخذ الشريحة نضعها في الماء البارد سنية نقول بالعد واحد اثنين ثلاثة ونشيل الشريحة من الماء ونضعها في التتتبيلة الجافة للدقيق وناخذ الشريحة ونقوم بهزها كويس قوى عشان الدقيق يعمل شكل القشور فوق شرايح الدجاج ونكرر الطريقة مع حوالي ٦ قطع ونضعها في الزيت الساخن والتقليب كل فترة عشان تطلع معاكم مقرمشة وهشة
  6. الزيت يكون غزير عشان الفراخ تستوي وتكون مقرمشة
  7. نقوم بوضع شرايح قليلة عشان النتيجة تكون حلوة و الزيت حرارتة متبردش
  8. ملحوظة/ لما الدقيق يكتل معايا نضعه في مصفاة ونصفيه ونستخدمة ثاني
  9. المستردة (الخردل) والهريسة مع اللبن والزبادي بتعطيها طعم وريحه حلوة قوى
عجبتك الوصفة؟
شوف كل وصفاتنا في مكان واحد
كل الوصفات →