→ كل الوصفات
صوص الكراميل من أهم الصوصات اللي بنستخدمها في حلويات كتير مهم جداً إنك تعرفي تعملية عشان تستخدمية بعد كدة في وصفاتك زي السينابون، وخلية النحل وتحوطية على الكيك وممكن على الآيس كريم وحاجات تانيه كتير🤩 هعلمك طريقة صوص الكراميل بكل سهولة عشان تحتفظي بيه وتستخدمية في اي وقت 😍❤️
المقادير
- 1 كوب سكر
- 1 كوب حليب دافي
- 1 ملعقة كبيرة زبدة
- 1 كيس فانيليا
طريقة التحضير
- أولاً جيبي حاجة مناسبة وحوطي فيها السكر وحوطي السكر على نار هادية ولما لون السكر يغير من الجانب قلبي السكر بملعقة سليكون او خشب عشان ميسكرش منك ولما كله يكون لونه بني ضيفي عليه الزبدة وقلبيهم مع بعض 😍
- ضيفي بعد كدة الحليب الدافي وقلبي كل المكونات مع بعض وكل شوية قلبي لحد لما السكر يذوب مع الحليب وبعد كدة ضيفي كيس الفانيليا وكل شوية قلبي لحد لما قوام الصوص يتقل معاكي حبة زي قوام صوص الكراميل 😍
- ارفعي الصوص من على النار وسيبي الصوص يبرد حبة وبعد كدة حوطي صوص الكراميل في برطمان نظيف وحوطي البرطمان في الثلاجة لحد لما تعوزي تستخدميه في أي وصفة جربيه بجد حلو وزي الجاهز 👌🏻😍❤️
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد