→ كل الوصفات

صوص سندوتشات برجر ماكدونالدز الأصلي

من هنا ورايح مش هتشترى اي سندوتشات برجر من برة استخدمى الصوص ده هيفرق معاكى في الطعم جداً

  • 0.5 كوب مايونيز
  • 2 ملعقة تتبيلة السلطة الفرنسية
  • 4 ملاعق صوص المخلل
  • ملعقة كبيرة بصل ابيض مفروم ناعم
  • ملعقة كبيرة مستردة (خردل)
  • ملعقة صغيرة خل
  • ملعقة صغيرة سكر
  • 0.25 ملعقة صغيرة ملح
  1. مبدئيا كده تعالوا نتفق ان دى المكونات الاساسية بس الكميات دى مش اجبارية يعنى برده على حسب مزاجك انتى
  2. هقولكم على السريع تتبيلة السلطة الفرنسية عبارة عن خليط من الكاتشب والزيت والسكر والخل والبابريكا وبصلة صغنتوتة اوي مفرومة وفص ثوم مفروم
  3. والمخلل بيكون اساسه خيار بس ممكن تضيفى عليه فلفل وبصل مكعبات صغنونة وتنقعيهم كذا ساعة وبعدين تصفيهم من الماء وترفعيهم على النار مع خل وسكر وملح ويغلوا خمس دقائق وبعدين ممكن تديهم هرسة او ضربة في الكبة
  4. وبس كده هتضيفى كل المكونات اللي فوق وياسلام عليكى لو عملتى الكاتشب والمايونيز بيتي هتاكلى وهتدعيلى وبجد كل اولادك هيعجبهم جداً
  5. مرة تانية بقولك الكميات دى حاجة ترجعلك وبمزاجك اي حاجة عاوزة تكتريها او تضيفيها انتى وراحتك
  6. ماتقوليش الموضوع بياخد غلبة لانك هيعجبك النتيجة جداً وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →