→ كل الوصفات
تعلمت طريقة جديدة للصيادية وحسيتا اطيب وانجح طريقة وبمكونات بسيطة
المقادير
- كيلو سمك مقلي اي نوع
- 6 بصلات
- كاستين رز
- كمون
- بهار
- ملح
- قليل زيت نباتي
- قليل زيت سمك
- قليل طحين
- مكسرات للزينة
- بصل
- لوز
- صنوبر
- قريدس (اختياري)
- جوز
طريقة التحضير
- منقطع 3 بصلات ناعم و بالطنجرة اللي بدنا نطبخ فيها الرز منقلي البصل بزيت نباتي ليصير لونو على سواد ومنشيلو على جنب
- منقطع 3 بصلات جوانح ومنرشلن طحين ومنقلين بنفس الزيت ومنشيلن على جنب وهاد البصل بكون للتزيت
- بالميكسر منخلط البصل الناعم اللي قليناه لصار اسود وسمكتين منزوعين الحسك وكمون وبهار وملح منخلطن ليصير الخليط كتير ناعم (مرهم)
- بالطنجرة اللي قلينا فيها البصلات منزيد فوق الزيت النباتي زيت سمك ومنحط الخليط المرهمي منقليه شوي
- منضيف مي تناسب كمية الرز وبس تغلي منضيف الرز لينطبخ بالطريقة المعتادة
- اذا حبينا منقدر نضيف قطع سمك بقلب الرز ومنزين بالبصل والمكسرات حسب الرغبة وصحتين
- وانا هون زينت بالبصل والقريدس 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد