→ كل الوصفات

صياديه بسمك السلمون

طريقة عمل صياديه بسمك السلمون سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 قطع سمك السلمون, من الرقبه مع العظم
  • كوبين ارز, حبه طويله, منقوع
  • حبتين بندوره
  • حبتين بصل
  • نص حبه فليفله ألوان, من كل لون
  • ضمه بقدونس
  • 3 سن ثوم
  • 1 ليمون 🍋
  • 3 ملاعق زيت
  • معلقتين طحين
  • كوبين ونص ماء
  • ملح
  • معلقه صغيره بهارات مشكله
  • فلفل اسود
  • بابريكا
  • سماق
  1. بنغسل السمك وبنعصر عليه ليمون وبنبرش عليه ثوم وبنرش عليه فلفل اسود وملح. وبنحطه بالثلاجه, ساعه
  2. بنفرم البندوره والبصله والثومه والبقدونس والفليفله على الخلاط. بصير زي الصلصه الثقيله
  3. بعدين بنغرق السمك بالطحين وبنسخن الزيت بالطنجره على النار. وبنقلي السمك على الخفيف
  4. بنشيله وبنفرم البصله التانيه وبنحطه على نفس الزيت اللي قلينا فيه السمك وبنذبله مع شويه ملح وبهارات
  5. بنضيف عليه خليط البقدونس والبندوره وبنقلبهم مع بعض
  6. بعدين بنضيف فوقه قطع السمك والرز, بنكون مصفينه وحاطين عليه شويه ملح وبابريكا وسماق. وبنضيف عليه حرلي كوبين ماء ونص وبخليه ليستوي. وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →