→ كل الوصفات
طريقة عمل صينية ارز بخاري بالدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب ارز بسمتي
- 2 صدر بانيه كبير
- 2 بصلة كبيرة
- رشة كمون
- رشة فلفل كاري
- رشة ملح
- مرقة دجاج
- معلقة دبس رمان
- صلصة طماطم
- ثوم
- بقدونس مفروم
طريقة التحضير
- نقطع البصل ونبشر الثوم ونحطهم في طاسة على النار فيها شوية زيت ذرة ونشوحهم مع بعض لحد مايدبل البصل ونكون مقطعين الفراخ مكعبات صغيرة ونحطها على البصل ونقلبهم شوية ونهدي النار عليهم
- نحط عليهم البهارات ومعلقتين صلصة طماطم وكوباية ماء ساخنة ونغطيهم ونسيبهم على نار هادية وبعد ماتستوي احط عليها دبس الرمان والبقدونس واقلبهم واغطيها
- الارز بعد مانغسله كويس نشوحه في شوية زيت مع ورقة لورى وحبهان ونسقيه ونسيبه لحد مايقرب يستوي اجيب كباية صغيرة احط فيها شوية زيت وعليهم بودرة صفار الزعفران وارشها على وجه الارز في خطوط عشوائية واغطيه لحد مايكمل سواه
- بعد مايستوي الارز اكون مسخنة فحمة على البوتجاز واجيب كباية صغيرة احط فيها شوية زيت واحطها في قلب الارز ولما تسخن الفحمة احطها في الزيت زي الصورة كدة واقفل الغطا بسرررعة واسيبه ياخذ ريحة الفحم
- نجيب الطاجن وافضي فيه الفراخ واوزعها كويس وانزل عليها بالارز واساويه كويس عليها هيبقى بالشكل التحفة دة وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد