→ كل الوصفات
صينية البطاطس من الأكلات التقليدية و السهله و يمكن اول اكله بنتعلمها و احنا صغيرين بطاطس بالفراخ أو اللحمة و لكن لكل واحد طريقه وتكه بتفرق في الطعم...هعملها معاكم على طريقتي..غدا دافئ جدا👌
المقادير
- 1/2 كيلو بطاطس طرنشات سمك 1سم
- 400 جم لحمة قطع او على حسب عدد الافراد للاسرة
- عصير طماطم
- فصين ثوم مهروس
- بصل جوليان
- مكعب مرقة خضار
- ملح و فلفل حسب الرغبه
- رشة 7بهارات
طريقة التحضير
- في صينية نحط ملعقة من السمن البلدي و نشوح اللحم كويس جداً لحد ما ياخذ لون و نبهرة بالملح و الفلفل و البهارات و لما يتشوح نشيله في طبق على جنب
- في نفس الصينية نزود ملعقة صغيرة سمن و نحط بصلتين متقطعين حلقات مع مكعب مرقة الخضار و فصين الثوم المهروسين و نبهر...و نضيف البطاطس المقطعه طرنشات بسمك سم و نقلب كله عشان يتشربو ا من الطعم
- بعد ما قلبنا البطاطس و البصل و شربوا الطعم نزود اللحمة و نقلب تاني و بعدين نضيف عصير الطماطم و تغلي غلوتين على النار و ندخلها الفرن..بتطلع ذايبه
- البطاطس و اللحمة دايبين تتقدم مع رز بشعيريه و الف هنا
- صحة و هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد