→ كل الوصفات
#وصفات_بالفرن لو عندك فاضل لحم معصج زايد عن الاحتياج بحتفظ بيه مع كفته أو قطع لحم بسيطه يتعمل بيهم صينيه جلاش باللحم موفره وتكفي لاسره 😍
المقادير
- حوالي كوب لحم معصج متوفر +4 صوابع كفته محتفظه بيهم باقي
- كوب بطاطس مكعبات صغيرة مسلوقه
- معلقتين كبار سمن
- لفه جلاش
- رشة ملح حسب التذوق وفلفل اسود
- ½ كوب لبن
- ½ كوب زبادي
طريقة التحضير
- قلايه على النار ساخنه هنضيف اللحمة المعصج ونقطع الكفته رفيع اوي شبهه المفروم وننزل بالبطاطس ونظبط الملح والفلفل ونقلبهم مع بعض السوايل تنشف خالص والبطاطس تتشرب صوص اللحمة وتأخذ الطعم
- هندهن الصينيه سمن كويس من تحت ومن الجوانب ونرص جلاش طبقه وندهنها سمن ونرص وهكذا لنص كميه الجلاش هنضيف اللحمة ونوزعها متساوي
- ونرص الجلاش طبقات بين كل واحده مسحه سمن ونقطعها مربعات بالسكينه وفبوله هنضيف اللبن والزبادي أو بيضه لو متاح بدل الزبادي وملح وفلفل صغيرة ونقلبهم ونضيفهم على الجلاش وبين الفواصل
- وندخلها الفرن تستوي من تحت اول ماتحمر من الجوانب هنشغل الشوايه تأخذ وجه
- هنطلعها تهدي وتتقدم ساخنه وبالهنا ✋💪
- ملحوظه ان كتير مننا بيفضل منا قطعه لحم او كفته ثلاثة أو اتنين ممكن الاحتفاظ بيهم في كيس حفظ الطعام أو علبه بلاستيك لو صادف يوم غير متاح تواجد اللحوم هنلاقي الوصفه متحضره بامكانيات متوفره بإذن الله دمتم بصحه وهنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد