→ كل الوصفات

صينية الدجاج بالخضار والكريمة

هذي الوصفة أخذتها من أيام المنتديات من #فروحة_الإمارات قبل تقريباً 7 سنوات الله يجزاها كل خير، حاولت أبحث عن الوصفة الأصلية لكن ماحصلتها، ليت اللي تعرفها تحط لي رابطها في الردود وشكراً مقدماً🌹

  • صحن صدور دجاج
  • 1 بصل
  • ثوم بودرة او حبة ثوم مهروسة
  • فلفل رومي مبشور
  • 2 بطاطس مبشورة
  • 2 جزر مبشور
  • 2 كوسة مبشورة
  • قشطة
  • كريمة طبخ
  • رشة ملح
  • رشة فلفل اسود
  • رشة كزبرة مطحونة
  • رشة كمون
  • ليمون
  • أعواد أسنان (لقفل شرايح الدجاج)
  1. أول شيء نجيب صدور الدجاج، الشريحة الوحدة قصيت منها ثلاث بالعرض؛ وحدة صغيرة وثنتين كبار ، ودقيتهم حتى صارت بنفس المستوى، بعدين دهنتهم من الجهتين بفلفل بودرة، وكزبرة وليمون وملح وخليتها على جنب. (تقدرون تتبلونها بزبادي معها)
  2. نقطع البصل ونحطه في قدر غير قابل للإلتصاق مع زيت وشوية زنجبيل وثوم، بعدها نضيف الفلفل الرومي المبشور ونقلبهم سوى حتى يذبلوا
  3. بعدها نضيف الجزر والبطاطس والكوسةالمبشورات ونقلبهم، نحط عليهم ملح وكزبرة وبهارات ونقلبهم حتى تذبل الخضروات ونقفل عليهم
  4. نأخذ شريحة، ندهنها بقشطة(المفروض جبنة بس مقاطعينها) بعدها أحط فوقها ملعقة من الخلطة، بعدها أقفل الشريحة بعود الأسنان عشان تثبت وأرصهم بصينية
  5. بعدها أكب الباقي من الخلطة في الصينية وأصب عليهم كريمة طبخ وقشطة وأدخلها الفرن حتى تستوي وبين كل فترة وفترة افتحوا الفرن وزيدوا الماء عليها وشوية كريمة كمان
  6. تُقدم مع الأرز وبالعافية
عجبتك الوصفة؟
شوف كل وصفاتنا في مكان واحد
كل الوصفات →