→ كل الوصفات

صينية السمك التونة المصرية

طريقة سهلة لعمل السمك التونة أو الماكريل ومبتاخدش وقت خالص يارب تعجبكم

  • 4 سمكات تونة
  • 5 حبات طماطم مقطعة ترنشات
  • 2 معلقه كبيره ثوم مفروم
  • 4 ليمونات
  • معلقه صغيره ملح
  • معلقه صغيره كمون
  • 2 معلقه صغيره فلفل اسود
  • ¼ كوب زيت
  • 2 كوب ماء
  1. ننضف السمك كويس ونغسله كويس جداً ونحضر طبق صغير فيه نصف كوب من الماء و عصير ليمونة واحدة ونضع الملح والكمون ومعلقه وااااااحدة فلفل ونسيب التانيه على جنب ونصف كمية الثوم ونقلبهم ونتبل بيهم السمك بطريقه انى ادهنهم بايدى من بره وجوه كويس جداً ولو اتبقي من الخلطه حطيها في الصينية عادي مع السمك
  2. نرص السمك ونعصر فوقه الليمون الباقي ونسيب قشر نصين جوه الصينية معاهم ونرص الطماطم فوقها بالتساوى ونضيف الماء الباقي والزيت والثوم نقلبهم في بعض و نرشهم عالطماطم كده واحنا بنحطهم والاخر نرش الفلفل الاسود على الطماطم وممكن رشة ملح لو عاوزين الطماطم مملحه شوية ونحطها على البوتجاز من فوق لحد ما تغلي ونغطيها ونسيبها ثلث ساعة بعد الغليان
  3. بعد التلت ساعة ندخلها الفرن تحت الشواية تأخذ وجه محمر كده حسب الرغبة ونخرجها ونقدمها ساخنة مع رز صيادية وسلطة بلدي وطريقتهم عندي برضو 🙈 وبالهنا والشفا 💖
  4. ملحوظه 🗒️ لو السمكه كبيره شوية نزود نص كوب ماء عشان التسوية
عجبتك الوصفة؟
شوف كل وصفاتنا في مكان واحد
كل الوصفات →