→ كل الوصفات

صينية باذنجان مشوية من غير زيت

طريقة عمل صينية باذنجان مشوية من غير زيت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 1/2 كيلو باذنجان رومي
  • 5 حبات فلفل حامي
  • 4 حبات طماطم
  • ملعقة كبيرة ملح
  • ملعقة صغيرة فلفل
  • ملعقة كبيرة كمون
  • ملعقه كبيرة كزبرة
  • ملعقه صغيرة شطة
  • ملعقه كبيرة قرفه وجنزبيل
  • 2 ملعقة كبيرة من الخلطة السرية اللي موجودة في وصفاتي
  1. بنغسل البزنجان ونقطعه حلقات سميك حوالي 4 سم ونرصه في صينية ومعاه 3 حبات فلفل وندهن البزنجان من فوق بنقطه صغيرة من الزيت علشان يتشوي في الفرن ونعلي الفرن لاعلي درجه ونضع الصواني البزنجان
  2. ونقطع الفلفل ونضعه معاه في الفرن
  3. في وقت ما البزنجان والفلفل يتشوا اكون بقطع الطماطم حلقات
  4. واضعها في بوله واضع عليها الخلطة السرية والملح والبهارات علشان الطماطم تقعد فترة في التتبيلة
  5. اول ما البزنجان والفلفل يتشوي في الفرن نطلعهم ونبتدي نرصهم في الصينيه
  6. وبعد ذلك نضع عليهم الطماطم المقطعه
  7. ونرص طبقه باذنجان تاني ونضع الطماطم طبقه تانيه
  8. ده صوص اللي طلع من الطماطم
  9. نضع عليه ملعقتين من صلصة الطماطم
  10. ونصبه على صينية البزنجان ونضعها في الفرن تاني علشان الطماطم تستوي مع البزنجان ويندمجوا الطعم مع بعض
  11. وده شكلها لما طلعت من الفرن
  12. قدمتها النهاردة مع فراخ بانيه كمان مشوية في الفرن من غير زيت نهائي يدوب حطيتها في صينيه وشغلت عليها الفرن من تحت واول ما استوت قلبتها علشان تاخد وش ودي طماطم متبله بالخلطة وبالهنا والشفا ويارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →