→ كل الوصفات

صينية بسبوسة مرملة ودايبه دوب

لذيذه ودايبه دوب ولونها مكرمل

  • 2 كوب معياري سميد
  • كوب الا ربع سكر
  • كوب إلا ربع حليب
  • 1/2 كوب زبدة أو سمن بلدي
  • 1/4 كوب عسل جلوكوز أو عسل أبيض أنا استعملت جلوكوز
  • 1/4 كوب جوز هند
  • ملعقه كبيره لبن بودرة
  • رشة ملح
  • 1/4 معلقه بيكنج بودر
  1. ندوب الزبدة او السمنة ونبس بيها السميد لما كل الحبيبات تتغلف بعد كده نضيف الملح والبيكنج بودر
  2. أدوب نص كوب سكر على نار هاديه لما يتكرمل انزل عليه بالحليب والعسل الجلوكوز
  3. وبعد كده انزل بيهم على خليط السميد بمجرد ما تتجانس المواد أبطل خلط افردها فى صينية مدهونه طحينه
  4. واسويها بفرن سابق التسخين متوسط الحراره ٢٥ دقيقه
  5. انزل عليها بالشربات الساخن عباره عن كوب ونص سكر مع كوب وربع ماء ومعاهم م. ص عسل جلوكوز أو عصرة ليمون يغلوا ١٠ دقايق وانزل بيه ساخن على البسبوسه الساخنه البسبوسه كانت مسكره فعدلت فى الشربات علشان اقلل نسبة السكر ضفت نص كوب سكر وكوب وربع ماء و ٢٠٠ جرام عسل جلوكوز تقريباً كوب الا ربع معياري
  6. هتكون طريه خالص وهتتماسك شويه بعد ما تبرد
عجبتك الوصفة؟
شوف كل وصفاتنا في مكان واحد
كل الوصفات →