→ كل الوصفات
سكرها مظبوط والخرطه بخرتطها وكمان طريه 😋
المقادير
- 2 كوب دقيق سميد سايب من العطار
- كوب الا ربع سمنه سايحه بلدي او شيراتون
- كوب الا ربع سكر
- 1/2 كوب لبن
- 1/4 معلقة شاي بيكنج بودرة
- معلقة عسل نحل او كلوكوز
- الشربات
- كوب سكر
- 2 كوب ماء
- 1/2 ليمونه
- ظرف فانيليا
- معلقه سمنه بلدي
طريقة التحضير
- المقادير بالكوب المعياري اول حاجه بنشغل الفرن يسخن قبلها ونجيب صينيه البسبوسه مقاس ٢٦ او اكبر شويه لو عاوزها ارفع وندهنها ملعقة سمنه على طحينه
- بنجيب السمنه بتكون بلدي علشان يطلع الطعم مظبوط زي المحلات انا استخدمت سمنه شيراتون واللبن والسكر وندفيهم على النار مش يسخنو منك غلط وتجربي تحطي صابعك فيها تتاكدي انها دافيه
- ونجيب السميد في بوله ونحط عليه ربع ملعقة الشاي بيكنج بودرة ونقلبهم وبعدها ننزل عليه الخليط السائل الدافي ونخلط من غير مانعجن يذوب يختلطوا ببعض بس
- ونحط الخليط في الصينيه ونفرده ونخبط الصينيه مرتين ونزينها زي ما تحبي انا حطيت جزء بندق ولوز وجزء ساده وندخلها فرن على درجه ١٨٠ واول ما الجوانب تحمر نشغل الشوايه تحمر الوجه
- ونكون محضرين الشربات (نحط السكر والمياه على النار ونقلب واول ما يغلي نحط عصرة نص ليمونه ونسيبه يغلي مع بعض وفي الاخر نحط ظرف الفانيليا ومعلقة السمنه البلدي ونقلب ويكون الشربات سخن والبسبوسه ساخنه ونقفل عليه بغطا لحد ما البسبوسه تشرب الشربات كله ( وتعرف انها مش محتاجه شربات تاني انك تضفطي بصابعك على البسبوسه هتلاقيها بتطلع شربات وبكده يكون مظبوطه معاكي)ونسيبها ساعة كده وبعدين نقطعها هتطلع معاكي الخرطه بخرتطها وكمان طريه وبالف هنا ويا سلام لما تقدمي معاها ملعقة قشطه اللبن ساقعه يمي يمي😋👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد