→ كل الوصفات
الزيتون والجبنه الرومي
المقادير
- ¼ كيلو لحمة مفرومة
- زيتون حسب الرغبة
- جبنة رومي
- بصلة كبيره
- قرن فلفل
طريقة التحضير
- هنحط شويه زيت صغيرين جداً وننزل باللحمه المفرومه
- هنسيب اللحمة المفرومه على النار لحد ما نقطع البصل والفلفل
- بعد كده هننزل بالبصل والفلفل على اللحمة
- هنسبهم 10 دقائق مع بعض وبعد كده هنقفل عليهم وهنحط ملح وفلفل اسمر فقط
- وهنا بقى هنحضر البشاميل هنحط معلقتين سمنه وكيس البشاميل الجاهز
- وهنحط على البشاميل كيس لبن بخيره نص كيلو
- رشة ملح صغيرة رشة فلفل اسمر
- وعلى نار هادئة لحد ما توصلي للقوام اللي انتي عايزاه
- هنسلق المعكرونة ونخليها تستوي كويس
- هنحضر الصينية ونحط من تحت الصينية ملعقة سمنه صغيرة ونحط شويه معكرونه وبعد كده البشاميل وبعد كده المفروم هنحط شويه بشاميل تاني وفوقيها المعكرونة واخر شويه من البشاميل
- هنكون محضرين الجبنة الرومي هنقطعها عشوائي ومعاهم زيتون ومعاهم واحدة طماطم صغيرة وهنحطها فوق البشاميل
- وبكده هتكون جاهزة ومن هنا وعن تجربه هنقول باي باي للبيض لاني محطتش ولا واحدة وطلعت تحفه
- هنحطها في الفرن وناخد بالنا اني كل حاجه في صينية البشاميل معموله احنا هنحطها في الفرن تأخذ وجه عشان تكون محمره وشكلها تحفه كده
- انشاء الله تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد