→ كل الوصفات
🤤 صينية البطاطس بالسجق... اللي عملت قلبان في المطبخ! 😅 يا جماعة، اللي حصل النهارده في الفرن مكنش طبخ... كان سحر رسمي! بطاطس مقطعة بقلبي، وسجق بلدي كأنك جايباه من عند الجزار بتاع جدتك، دخلوا الفرن مع شوية صلصة كده متحوّجة وعاملة دوشة في البيت من الريحة 🔥 الصينية دي مش أكل... دي "إعلان حالة طوارئ في الرجيم"! تغميسة واحدة بالعيش او بالرز وهتلاقي نفسك بتغني: "يا بطاطس يا سجق... أنا قلبي وقع!" وطبعًا السجق طالع بيزغرط جوه الصينية، والبطاطس بتقوله: "هات من الصلصة شوية، إحنا هنا بنتدلع!" جربيها وهتشوفي... هتدخلي المطبخ تعمليها كل يوم وتطلعي تقوليلهم: "أنا مش طباخة... أنا فنانة!" #بوفيه_الصيف #سجق #بطاطس #بطاطس_بالسجق #cookina_كوكينا
المقادير
- 1 بصلة مقطعة جناحات🧅
- فلفل اخضر🫑
- ثوم مفروم🧄
- ملح.. فلفل اسود.. كمون.. كزبرة
- 1/2 كيلو بطاطس مقطعة🥔
- 1/2 كيلو سجق
- سمنة وزيت🥃
- ثوم مفروم🧄
- 2 ملعقة كبيرة صلصة طماطم
- طماطم مبشورة
- مرقة دجاج
- 2 كوب ماء مغلي
طريقة التحضير
- هنحط في صينية البصل والفلفل والثوم
- والتوابل.. فلفل.. ملح.. كمون.. كزبرة
- وندعكهم كويس ونطلع عينهم😂 عشان البصل يطلع الماء بتاعته ويدي طعم حلو زيكوا☺️
- ونضيف البطاطس وندعكهم كويس
- ونضيف السجق فوق الوجه
- نجهز الصلصة بقي.. نسخن شوية سمنة على زيت
- ونضيف الثوم
- واول مانشم ريحته نضيف صلصة الطماطم
- ورشة سكر عشان الحموضة ونشوحها شوية عشان نطلع المادة الحافظة اللي فيها
- ونضيف الطماطم المبشورة
- ونقلب ونسيبها تتسكبك شوية
- ونضيف المرقة.. انا استخدمت ويلز عشان مافيهاش مواد حافظة
- ونقلبها شوية
- وضفت كوبين الماء المغلية
- وقلبتها وسيبتها تغلي شوية وتتسبك
- وضفت الصلصة عالسجق والبطاطس وغطيتها بورق زبدة وعليه فويل ودخلته الفرن على درجة حرارة 200 او حسب الفرن بتاعك.. ولما استوي شيلت ورق الفويل وحطيته تحت الشواية ياخذ لون
- ودي كانت النتيجة 😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد