→ كل الوصفات
ريحتها هتجيبلك اخر الشارع 📢
المقادير
- فرخه متقطعه 4 او وراك
- 3 بطاطس كبار مقطع شرايح وسط
- 1 بصله شرايح
- 1 بصله مكعبات
- 6 طماطم معصوره
- 2 فلفل رومي اخضر
- معلقه ثوم كبيره
- التوابل
- معلقه كبيره ملح
- فلفل اسود
- بهارات
- زعتر
- روز ماري
- رشه قرفه
- رشه جوزة الطيب
طريقة التحضير
- اول حاجه بنغسل الفراخ كويس ونتركها علي جنب وبنجيب الصينيه اللي هنعمل وهنقدم فيها الفراخ ونحط البصل الجوانح والمكعبات والفلفل الرومي ونحط جميع التوابل وندعك بايدنا جامد وبعدها ننزل بالبطاطس وتكون متقطعه سميك شويه علشان متتهريش ونخلط كويس ونرصهم في الصينيه وبعدها ننزل بعصير الطماطم بس مش كلهم نترك شويه من عصير الطماطم للوش
- وفي طاسه علي النار نضع مكعبين او ٣ زبده ومعلقه زيت ونحط الفراخ ونديها صدمه ونقلبها علي الناحيتين ونرش علي الناحيتين ملح وفلفل اسود يطعم ولما تاخد لون نحطها علي صينيه البطاطس وعلي وش الفراخ نحط باقي عصير الطماطم بطريقه متساويه وننزل بباقي الزبده والزيت علي وش الفراخ يمي 😋
- ونحط صينيه الفراخ علي عين البوتاجاز ونسيبها تغلي لحد ما البطاطس تستوي وبعدها ندخلها فرن علي ٢٠٠ درجه وبعد ما الفراخ تستوي نشغل الشوايه تاخد لون حلو وبالف هنا بجد ريحتها وطعمها تحفه 👌👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد