→ كل الوصفات

صينية بطاطس مكعبات بالكفتة😋❤️

متعودين دايماً نعمل صينية البطاطس بالفراخ بس المرة دي هنعمل صينية بطاطس بالكفتة طعمها لذيذ جداً وبتتقدم بجانب الرز بالشعيرية وسلطة وبتكون وجبة غداء لذيذة ومشبعة 👌🏻❤️😍لو لسة مجربتيش صينية البطاطس بالكفتة هيفوتك كتييير 🤩 #المريول_العالمي #بطاطس

  • لتحضير الكفتة نحتاج
  • 1/2 كيلو لحمة مفرومة
  • 3 بصلة كبيرة مبشورة
  • 1 ملعقة صغيرة ملح
  • 1 ملعقة صغيرة فلفل أسود
  • 1 ملعقة صغيرة بهارات لحمة
  • 1/4 ملعقة صغيرة سكر
  • 1 حزمة من البقدونس
  • 5 حبات من البطاطس
  • 3 فصوص من الثوم
  • 1 بصلة كبيرة
  • 1 ملعقة صغيرة ملح
  • 1 ملعقة صغيرة فلفل أسود
  • 1 ملعقة صغيرة بابريكا
  • 1/4 ملعقة صغيرة سكر
  • 2 ملعقة كبيرة صلصة
  • 2 كوب عصير طماطم
  • 1 فلفل رومي مقطع مكعبات
  • 3 ملاعق كبيرة زيت
  1. أولاً نحضر الكفتة جيبى طبق عميق وحوطي فية اللحمة المفرومة والملح والفلفل الأسود وبهارات اللحمة والسكر والبقدونس وخودي أوراق البقدونس بس قطعيها وحوطيها مع اللحمة المفرومة وأعجني كل المكونات مع بعض لمدة 5 دقائق عشان الكفتة تكون متماسكة ومتفكش منك😍
  2. شكلي الكفتة بعد كدة أصابع صغيرة أو كرات صغيرة زي ماتحبي وبعد لما تخلصي كل الكمية حوطي الكفتة في طبق ودخلي الكفتة الفريزر لمدة 15 دقيقة والخطوة دي مش بتخلي الكفتة تفك منك خالص😍
  3. حضري بئا صينية البطاطس أولاً قشري البطاطس وقطعيها مكعبات وأغسليها كويس وبعد كدة حوطيها في صينية وبعد كدة حوطي عليها الثوم قطعي الثوم حلقات وحوطي البصل وقطعيه حلقات وحوطي الفلفل الرومي وبعد كدة حوطي الملح والسكر والفلفل الأسود والبابريكا وقلبيهم مع بعض كويس جداً ضيفي بعد كدة عصير الطماطم وصلصة الطماطم والزيت وقلبيهم مع بعض تاني😍
  4. جيبى الكفتة من الفريزر وحوطيها من فوق صينية البطاطس وزعيها كويس في الصينية وبعد كدة حوطي الصينية على نار متوسطة وغطي الصينية وسيبي الصينية على النار حوالي 1/2 ساعة لحد لما تتسبك والكفتة تستوي😍
  5. بعد كدة دخلي الصينية الفرن وشغلي الشواية لحد لما تتحمر حبة وتاخد لون حلو من فوق وبعد كدة خرجيها من الفرن وسيبيها تبرد حبة 😍
  6. قدمي البطاطس بالكفتة بعد كدة في أطباق التقديم مع الرز بالشعيرية والسلطة بجد طعمها خطييييير🤩 جربيها أكيد هتعجبك😍❤️🌹🌹
  7. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →