→ كل الوصفات

صينية بيتزا سهلة وجميلة جداً 💕

طريقة عمل صينية بيتزا سهلة وجميلة جداً 💕 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 5 اكواب دقيق
  • 3 معالق لبن بودر/لايستخدم اللبن الحليب
  • 2 معلقة كبيرة سكر
  • 1/2 كوب زيت
  • معلقة بايكينغ باودر/حسب الرغبة كبيرة او صغيرة
  • 2 كوب مياه دافية
  • طرف المعلقة ملح
  • 2 معلقة كبيرة خميرةفورية/يعادل كيس
  1. طبق كبير نحط فيه الخميرة والسكر واللبن البودر و2كوب دقيق ونقلبهم كويس ونغطيها غي مكان دافي ممكن نسخن الفرن ونطفيه ونحطها فيه ربع ساعة علشان تتخمر شوية
  2. في طبق عميق المكونات الجافة ال3 اكوال دقيق والبيكنج بودر والملح ونضيف الزيت تدريجي نلم بيه العجينة ونسيبها تاني شوية علشان نحضر الصوص
  3. طريقة تحضير الصوص حلة اوطاسة نضع فيها ملعقة زيت فصين ثوم مفرومين يتغير لونهم فقط ننزل عليهم بمعلقتين صلصة مخففة وفلفل اسود وبهارات بسيط ورشة زعتر والملح حسب الرغبة بس كل المكونات فيها ملح نكون مقطعين الطماطم والفلفل وجبنة رومي مبشورة وزيتون شرايح اسود واخضر او المتوفر وشرايح بسطرمة وبيضة مخفوقة
  4. نطلع الجينة ونفردها نقسمها 4كور نفرد كل كورة في صينية مدهونة زيت بسيط وبعدين ندهن الوجه بالبيضة المخفوقة وعليها فلفل اسود وذرة ملح وبعدين نرش الجبنة الرومي المبشورة وبعدين باقي المكونات وقبل ماتدخل الفرن نجيب شوكة ونشك بيها البيتزا يكون الفرن سخن على درجة حرارة متوسطة وندخلها الفرن وبتستوي بتبقي فظيعة وبالهنا والشفا والصحة والعافية ليكوا يارب
عجبتك الوصفة؟
شوف كل وصفاتنا في مكان واحد
كل الوصفات →