→ كل الوصفات
لا غني عنها في العزومات وتشرفك قدام ضيوفك 👌
المقادير
- لفة جلاش
- 1/4 كيلو لحمه مفرومه
- مكعبات بصله وسط مقطع
- 2 فلفل رومي الوان
- زيتون مخلي
- التوابل
- ملح
- فلفل اسود
- رشة قرفه
- رشة جوزة الطيب
- للوش
- كوب الا ربع لبن
- بيضه
- رشة ملح
- فلفل اسود
- 1/2 معلقه صغيره بيكنج بودر
طريقة التحضير
- بنحضر العصاج بنجيب الحله ونحط سمنه وننزل بالبصل المقطع لحد ما يدبل ثم ننزل باللحمه المفرومه ونقلب فيهم ثم ننزل بالتوابل ونتركه لحد ما يستوي ونطفي عليها وننزل بالفلفل الرومي المقطع والزيتون وممكن كمان جبنه موتزريلاونقلبهم سوا ونتركهم علي جنب
- وبنجيب صينية مربعة ونوزع سمنه في كل الصينية ومن الجوانب كويس وبنقسم لفة الجلاش بالنص (بنعد كام طبقه ونقسمهم)ثم ناخد طبقتين من الجلاش ونرصهم في الصينية ونتني الاطراف الزياده لجوه علشان يكون الشكل متناسق وندهن سمنه سايحه بين كل طبقتين ونكرر نفس الخطوات لحد ما نخلص نص اللفه
- ثم ننزل بالعصاج ونوزعه في النص ونبعد عن الحروف ثم ننزل بباقي نص لفة الجلاش وبين كل طبقتين ندهن سمنه سايحه كويس لحد كا نخلص
- ونقطع الجلاش مربعات كويس وندهن الوش سمنه كويس (وممكن لحد الخطوه نغلفها ونحفظها في التلاجه ونحضرها لحد تاني يوم لو بنعمل عزومه وبنحضر حاجتنا)
- بندخل الصينية الفرن سابق التسخين علي ١٨٠ درجة ونتركها لحد ما تبدا تدي لون خفيف او تنشف كده نطلعها وننزل عليها بخلطه اللبن والبيض للوش كما في المقادير ونوزعها في كل الصينيه وندخلها الفرن تاني ونسيبها لحد ما تشرب وبعدها نشغل الشوايه تاخد وش وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد