→ كل الوصفات

صينية جمبري بالفرن 🦐❤️👍🏼

طريقة عمل صينية جمبري بالفرن 🦐❤️👍🏼 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو جمبري بقشره
  • 3 بصلة وسط
  • 1 طماطم كبيرة
  • 1 فلفل اخضر كبير
  • 4 ليمون
  • 1 ضمة كزبرة خضره
  • 6 فصوص ثوم
  • 3 معالق زيت
  • ملعقة صلصة
  • معلقة كبيرة كمون
  • معلقتين صغيرة ملح
  • معلقة صغيرة بابريكا
  • لتر الا ربع ماء, للتسوية
  1. اول حاجة هننقع الجمبري في ماء عشان التنضيف ونسيبه عشر دقائق نرجع نصفيه ونقص اطرافه بالمقص ماعدا الرأس والديل ونرجع نغسله اخر مرة
  2. نقطع الفلفل والبصل والطماطم حلقات
  3. تالت حاجة هنعمل التتبيلة نأخذ فصوص الثوم مع الكمون والملح في الهون ونطحنهم كويس
  4. في طبق واسع هنأخذ البصل والجمبري مع التتبياله ونخلطهم كويس في بعض ونعصر عليهم ٣لمونات ونرش البباريكا ونقلبهم
  5. هنقطع نص حزمة الكزبرة الخضرا ونضيفها على الجمبري
  6. في صينية هنحط الجمبري المتتبل ونضيف عليه شرايح الفلفل والطماطم
  7. اخر حاجة هنأخذ حوالي لتر الا ربع ماء ونحط فيه ملعقة الصلصة وندوبهم ونزود الجمبري بيهم يكون منسوب الماء قريب من وجه الجمبري مش مغطيه
  8. هنرش الزيت على الوجه ونغطيه بورق فويل وتدخله الفرن ساعة وبعدين تكشف وشه عشان يتحمر
  9. لما يطلع من الفرن هنعصر عليه ليمونه ورشة ورق كزبرة
  10. والف هنا❤️❤️
عجبتك الوصفة؟
شوف كل وصفاتنا في مكان واحد
كل الوصفات →