→ كل الوصفات

صينية دجاج والبطاطا ورز كبسه

طريقة عمل صينية دجاج والبطاطا ورز كبسه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • دجاجه مقطعه حسب الرغبه
  • بطاطا وبندورة
  • 3 اكواب رز كبسة انا بستخدم رز اسمو مستانه رهيب
  • بهارات كبسه حب
  • قرنفل
  • هيل
  • عودين قرفه
  • ورق غار
  • ملعقة بهارات مطحونه
  • راس بصل
  • فصين توم
  • 2 مكعبات مرق دجاج
  • قرن فلفل حار
  • 2 ملعقة رب البندوره
  1. اول شي بسلق الدجاج بعد تنضيفو وبحط عليه راس البصل وقرن الفلفل وفصين التوم وبعدين بستنى عليه لتفور الزفرة وبشيلها
  2. بعدين بحط مكعبات المرق والهيل والقرنفل والقرفه وصلصة البندورة
  3. بنتركها على النار لمدة نص ساعه
  4. بهاي الاثناء بنكون ناقعين الرز لمده نصف ساعه
  5. وبنقشر البطاطا وبنقطعها دوائر والبندورة شرحات
  6. وبنحطهم بصينيه وبنبهرهم بفلفل اسود وملح بس ما بنكتر وبنضيف من مرق الدجاج عليهم وبنتركهم يطبخو لحالهم
  7. لما يستوي الدجاج بنضيفو عالصينيه وبنحط الصينيه بالفرن كمان نص ساعه بعد ما نكون ثبتنا الرف بوسط الفرن
  8. بنرجع للرز بنبهر الرز بالبهارات المطحونه وبنملح حسب الرغبه وبنضيف عليه مرق الدجاج
  9. بنتركو على نار هاديه لمده ثلث الساعه تقريبا
  10. بعدين بنزينو باللوز والبقدونس وشرحات الليمون الزينه على مزاج كل ست بيت
  11. بهاي الاثناء بتكون الصينيه جهزت بنحمرها من فوق
  12. وصحتين وعافيه
عجبتك الوصفة؟
شوف كل وصفاتنا في مكان واحد
كل الوصفات →