→ كل الوصفات

صينية سمك فيليه بالبطاطس 🐟🥔

وصفتي النهاردة سريعة جدا مش بتاخد وقت خالص ، واعتمادها الأساسي علي زيت الزيتون المضاف له مجموعة من التوابل اللي أضافت للاكلة طعم مميز جددددا أنصحكم تجربوها 😋 #الزيت_عماد_البيت #نصف_ساعة

  • كيلو سمك فيليه مقطع قطع
  • 4 حبات بطاطس مقطعة رفيعة نوعا ما
  • 1 طماطم مقطعة
  • 1 فلفل أخضر رومي مقطع
  • 1 بصلة مقطعة جوليان
  • 2 فص ثوم مقطع
  • 2 حبهان
  • ورق لوري
  • عود زعتر فريش (اختياري)
  • 2 مكعب ماجي
  • 2 كوب ماء أو حسب الاحتياج
  • 1/4 كوب زيت زيتون
  • م ص ثوم مفروم
  • م ص كاري
  • م ص ريحان مجفف (اختياري)
  • م ص كمون
  • م ص فلفل اسود
  • م ص مليانة ملح
  1. اولا : في وعاء اخلط كل مكونات التتبيلة مع بعض ،،
  2. ثانيا : في صينية اضع كل مكونات صينية البطاطس ماعدا الماء ،
  3. ثالثا : اتبل السمك بعد تقطيعه قطع بنص كمية التتبيلة ، وباقي التتبيلة انزلها علي الصينية وافركها مع مكونات الصينية كويس جدا وأضيف الماء وبعدين ارص السمك علي وجه الصينية واغطيها ،
  4. رابعا : ارفعها علي البوتاجاز من فوق لحد تمام السوي ، وبعدين ادخلها الفرن تحت الشواية تاخد لون وتتشمع وبس كدة وبالف هنا 🙂
  5. ملحوظة : ١/ممكن تغطيها بورق فويل وتدخليها الفرن علي طول ولما تستوي تشيلي ورق الفويل وتفتحي الشواية ، لكن الطريقة اللي عملتها بيها كدة أسرع في الوقت 👌😉 ، ٢/ممكن قبل ما تفتحي الشواية ترشي رشة بسيطة من زيت الزيتون ورشة ريحان لمزيد من القرمشة والطعم 👌😋
عجبتك الوصفة؟
شوف كل وصفاتنا في مكان واحد
كل الوصفات →