→ كل الوصفات
وصفة بتزبط لسفرة رمضان تشكيله كطبق جانبي، او حتى اخر رمضان بس نزهق من الطبخ، كتير زاكية والكل رح يحبها كبار وصغار، بتتقدم مع خبز شراك ومثومة كمان.
المقادير
- 4 صدور دجاج مقطعة بشكل طولي
- 2 كوب كريمة طبخ
- كيس موزاريلا مبشورة
- 8 حبات مخلل مقطع
- 2 بطاطا مقلية مقطعة مربعات
- ملح
- فلفل اسود
- كركم
- بابريكا حلوة وبابريكا مدخنة
- بهار بصل
- بهار ثوم
- هيل
- قرفة مطحونة
- كزبرة
- 4 ملاعق كبار زيت زيتون
طريقة التحضير
- بنجيب صدور الدجاج المقطعه وبنضيف عليها البهارات ملح، فلفل اسود، كركم، بابريكا حلوة وبابريكا مدخنة، بهار بصل وبهار ثوم، هيل، قرفة مطحونة، كزبرة.. و بنخلطهم كلهم مع زيت الزيتون
- بنحط الدجاج بصينية او جاط بايركس وعلى الفرن
- بس يستوي الدجاج وينشف الماء، بنطلعوا من الفرن وبنحط على الوجه البطاطا المقليه + المخلل + الكريمة وبنرجعها على الفرن يغلوا غلوه مع الكريمة
- بعدين بنطلعها وبنضيف الموزاريلا على الوجه وبنحمرها … وصحتين وعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد