→ كل الوصفات

صينية فراخ بالبطاطس نى ف نى

من اسهل و اسرع الوصفات اللي ممكن تنجز معاكى ف اقل وقت ما بتأخذ وقت اكتير ف السوا و سهلة و بسيطه جدااا و خطيييييرة بمعنى الكلمه .. كان عندي نص كيلو دبابيس فراخ منها عملت هالوصفه ما اخدت معى نص ساعة و كنت مخلصه احلى غدا ف اسرع وقت

  • ½كيلو دبابيس فراخ
  • بصلة كبيرة
  • طماطمه وسط
  • ¼ ربطه بقدونس اخضر
  • 3 حبه بطاطس وسط
  • حبه فلفل رومي وسط
  • 2 طماطم وسط
  • 2 بصلة وسط
  • 1 فلفل حامي
  • ملح
  • فلفل اسود
  • بهارات فراخ
  • رشه قرفة ناعمة
  • ½ كوب ماء
  1. ف الكبه هانحط البصله و نفرمها ناعم جداً.. ننزل بحبه طماطم و البقدونس نديهم نص فرمه مع البصل.. نحطهم ف بوله غويطه و نحط عليهم البهارات ونقلبهم ننزل بالدبابيس بتعت الفراخ و نقلبهم كويس و نحشي بين الجلد واللحم و نخليهم على جمب على بال ما نقطع الخضار.. و دا طبعاً حسب الرغبة هاناخد معلقتين من البصل المبشور مع البهارات و نخلطهم بالخضار و نحطهم ف صينية و نحط الفراخ فوقهم و نحط باقي كميةالبصل فوقهم و نزودها نص كوبيه ماء ونغطيها ونسويها على البتوجاز
  2. ولما تستوي خالص ننزلها الفرن و نحمرها و بالهنا و الشفا 👌
  3. طبعاً هانقدمها مع اي حاجه رز او معكرونه او محشي بصراحه مالهاش حل جربوها احلى حاجه انها خفيفه جداً من غير زيت ولا سمنه ولا اي حاجه ✌️👌
عجبتك الوصفة؟
شوف كل وصفاتنا في مكان واحد
كل الوصفات →