→ كل الوصفات
طريقة عمل صينية فراخ بالخضار سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخه مقطعينها اربعه اجزاء
- بصلة مفرومة ناعم
- طماطم مبشوره
- فص ثوم مفروم ناعم
- ملح
- رشة فلفل اسمر
- رشة بابريكا
- ملعقة كبيره من الباربكيو
- بصل مقطع جوليان
- بطاطس مكعبات
- كوسه مقطعة مكعبات
- عصير خمس طماطمات
- معلقتين كبار من الصلصه الحمراء
طريقة التحضير
- في الاول نفرم جميع مكونات التتبيله بنحط عليها البهارات ومعلقه باربكيو صوص ممكن نضيف ملعقة من عصير الليمون ونفرك كويس الفراخ ونحطها في التتبيله لمده لا تقل عن ساعتين ممكن اقعدها ليله كامله في الثلاجه
- في صينية حط معلقتين زبدة وزيت وتشوح البصله الجوليان وبعدين نحط الفراخ وبعدين عصير الطماطم عليه مكعب بدات دجاج او لحم وصلصه الطماطم وشويه ميه ونسيبها لحد ما الفراخ تستوي 3/4 سوا وبعدين نضيف البطاطس تدخل في السوى نضيف الكوسه اخر حاجه نحطها ونسيب الصينية تتسبك كويس وبعدين نفتح الشوايه بتاعت الفرن عشان تاخذ لون حلو
- وبس كده ممكن عشان نخلي الفراخ تاخذ لون حلو نجيب ملعقة كاتشب عليها شويه ميه صغيرين عليها ملح وفلفل وبابريكا وندهن بها الفراخ قبل ما نفتح الشوايه عشان تاخذ لون حلو ودي في الاخر خالص مش بنحطها في الاول
- ممكن نقدمها مع ارز بالشعيريه او ارز ابيض او ارز بسمتي ابيض برده طبق سلطه وبالف هنا وشفا
- اتمنى الوصفه تنال اعجابكم وتجربوها والف هنا لكم
- في الاول وهي محلول ان ننقع الفراخ قبل ما نحط الفراخ في التتبيله حضر لها محلول النقع ميه ملعقة سكر ومعلقه دقيق ومعلقه خل وننقع الفراخ فيها ساعة قبل ما نحطها في التتبيلة نشطف الفراخ كويس ونفركها بالتتبيله زي ما ذكرت فوق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد