→ كل الوصفات

صينية فطير بالدجاج المفروم

حاجه كدا شبه الرقاق بس المرا دي ببواقي الفراخ عشان الاولاد اللي ما بيحبو ياكلو الفراخ تاني يوم ولا لما بتفضل في الثلاجه لاء بقي تعالي نضحك عليهم ونعملهم حاجه تانيه خالص هاياكلوها وهايدمنوها كمان جربوها #ع_طريقتي #مريولي_باسمي

  • 6 فطير صاج
  • بواقي فراخ مسلوقه
  • 1 جزره كبيره
  • 2 بصلة كبيرة مفرومة ناعم
  • 1 فلفل رومي اخضر كبير
  • 2 كوب شوربة
  • 1/4 كوب زبدة على سمنه
  • ملح
  • فلفل اسود
  • بابريكا
  • كاري
  • رشه قرفة
  • 1/2 م ص 7 بهارات
  1. هانفرم بواقي الفراخ المسلوقه في الكبه.. ف حله على النار هانحط ما ك زبدة وننزل بالبصل المفروم ناعم ونقلبو لحد ما يذبل وننزل عليه بالجزره المبشوره ونقلبهم كويس وننزل الفراخ والفلفل الرومي ونحط البهارات ونقلبهم نخليه 5 دقائق ونطفي لانو كدا كدا الفراخ مستويه احنا عايزين نمكس الطعم في بعضو مش اكتر
  2. هاندهن الصينية بتعتنا كويس بخليط الزبدة والسمنه ونسقي الفطير في الشوريه الدافيه ونرص في الصينية ونكرر الخطوات ونحط الحشو في النص ونرجع نعمل باقي الخطوات لحد ما نخلص كمية الفطير الموجوده نبدأ نقطع الفطير بسكينه حاميه وبعدين ندهن الوجه كويس بالسمنه والزبدة وندخلها الفرن لحد ما تتحمر
  3. انا لما بطلعها بحط على الاطراف بس شويا شوربة لانو الاطراف دايما بتكون ناشفة كتيير ولو حابه انها تبقي طريه مش مقرمشه سقي الصينية كلها ب الشوريه
  4. و قدميها مع بطاطس مقليه وسلطه طحينه وبالهنا والشفا 🫶
عجبتك الوصفة؟
شوف كل وصفاتنا في مكان واحد
كل الوصفات →