→ كل الوصفات
حاجه كدا في السريع مسعفه في الوقت وف الانجاز طبعاً والطعم حكايه جربوها #ع_طريقتي
المقادير
- 1/2 كيلو لحمة مفرومة
- بصلة مفرومة ناعم
- كوب بقسماط ناعم
- بيضة
- ملح وفلفل اسود
- م ص 7 بهارات
- رشه قرفة
- برشه جوزه الطيب
- 2 حبه بطاطس كبيره
- بصلة كبيره
- فلفل رومي احمر
- 1/2 كوب ماء مغلية
- مكعب مرقه
- م ك صلصه
طريقة التحضير
- ف بوله هانحط اللحمة المفرومه وننزل عليها بالبصله المفرومه ناعم والبهارات ونعجنها كويس مع البيضه والبقسماط الناعم ونخليها في الثلاجه شويا ترتاح
- هانقطع الخضار شرايح متساويه وندهن الصينية شويه زبدة ونرص الخضار وعليه صوابع الكفته
- ف بوله صغيرة هانحط مكعب المرقه على الماء المغليه وم الصلصة ونحطها على الصينية وندخلها الفرن ونخليها لحد ما تستوي ونولع عليها الشوايه تتحمر.. و نقدمها مع الرز والسلطه وبالهنا والشفا 🫶🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد