→ كل الوصفات
حاجه كدا سهلة ولذيذه وتنفع في حر الصيف دا مش هاتاخد معنا وقت في المطبخ والكل هايحبها باذن الله جربوها #ع_طريقتي ولا احلى #المريول_العالمي #بطاطس #زبدة #جبن
المقادير
- 1/2 كيلو لحمة مفرومة
- 1/2 ربطه بقدونس
- 3 حبات بصل كبيره
- حبه فلفل رومي اخضر
- حبه فلفل حامي
- 4 م ك صلصه
- رشه ملح
- فلفل اسود
- هيل
- كيس مرقه فوريه
- 1/4 كوب ماء
- كيلو بطاطس مسلوقه
- 2 كوب حليب
- جبنة موزاريلا
- ملح
- فلفل اسود
- كمون
- 3 م ك زبدة
طريقة التحضير
- هانفرم البصل ناعم مع البقدونس والفلفل الرومي والحامي ونحطهم في بوله غويطه فوق اللحمة المفرومه ننزل عليهم بالبهارات ونعجن كويس اللحمة لحد ما تلم معاكي.. هاتدهني قالب البيركس او الصينية بقطعه زبدة وتبدا تأخذ كمية اللحمة وتفرديها في الصينية
- ف كوب هانحط الصلصه مع المرقه الفوريه والبهارات والماء نقلبها كويس ونسقي الصينية كلها وندخلها الفرن لحد ما تستوي تمام نطلعها نكون مجهزين البيوريه
- انا هنا سلقت البطاطس وهرستها ناعم جداً مع الحليب عشان يسهل الهرس حطيت الملح والكمون والفلفل الاسود وهرست تاني ونزلت بالزبده وقلبت تاني لحد ما البطاطس بقت جاهزة نزلت بنص كمية الجبنة وخلطها مع البطاطس
- اخدت خليط البطاطس وفردتو على اللحمة اللي عملنها في الصينية غطيت الوجه بالجبنه ودخلتها الفرن لحد ما اخدت اللون الذهبي طلعتها وقدمتها مع المعكرونة والسلطه الخضرا وبالهنا والشفا 🫶🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد