→ كل الوصفات

صينية معكرونة بالبشاميل

دي الطريقه ال بعملها وسهله جداً جداً بإذن الله وطعمها خرافي جربوها وهستني رأيكم ♥️

  • ½ كيلو لحمة مفرومة وممكن تقلوا الكمية المتاح
  • كيس 400 جم معكرونه قلم
  • بصلتين مفرومين وسط
  • قرن فلفل حامي مفروم
  • طماطم كبيره مبشورة
  • ملح حسب الرغبة
  • ½ معلقه صغيره فلفل اسود
  • ½ معلقه صغيره قرفة
  • 3 ملاعق كبار سمنه
  • معلقتين كبار زيت
  • 3 ملاعق دقيق كبار
  • كيلو لبن
  • معلقة كبيره قشطة
  • ملح حسب الرغبة
  • رشة فلفل اسود
  • رشة قرفة
  1. اولا نسلق المعكرونة في ماء مغلية وملح وزيت ٣/٤ سلقة ونصفيها ومتنزلوش عليها ماء باردة
  2. في طاسة ساخنة ننزل باللحمة المفرومة تنزل دهونها وتغير لونها وننزل بالبصل المفروم والفلفل الحامي وملح وفلفل اسود والقرفه ونقلبهم ٥ دقائق وبعدين ننزل بالطماطمايه المبشورة ونسبهم على النار ٥ دقائق ونقفل عليهم
  3. للبشاميل في حلة قعرها سميك ننزل بالسمنه والزيت تقدح وننزل بالدقيق ونقليه وبعدها ننزل باللبن حبة حبة
  4. والقشطه والملح والفلفل الاسود ورشة القرفة ونقلبهم لحد مايتقل ويبقى بالشكل ده
  5. بعدها نجيب المعكرونة ونحط عليها ٣ كبشات كبار بشاميل ومعلقتين كبار لحمة مفرومة ونقلبهم مع بعض
  6. في طاجن بايركس أو اي صينية نحط كبشة كبيره بشاميل ونص كمية المعكرونة ونحط طبقة اللحمة ثم باقي المعكرونة وعلى الوجه البشاميل
  7. لحد مايبقي بالشكل ده ونحطه في فرن سخن على الشبكه ومولع الفرن من تحت ١٥ دقيقة وبعدين نشغل الشوايه تأخذ لون ونقفل عليها بالهنا والشفا ♥️♥️
عجبتك الوصفة؟
شوف كل وصفاتنا في مكان واحد
كل الوصفات →