→ كل الوصفات
طريقة عمل صينية ورق العنب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 500 جرام ورق عنب
- لتر عصير طماطم فريش
- 1 بصله كبيره
- خضرة محشي
- 0.5 كوب زيت
- 2 ونص كوب رز
- مكعب مرق خضروات
- معلقه كبيره دبس رمان
- بهارات محشي
- ملح وفلفل اسود حسب الرغبه
طريقة التحضير
- نسلق ورق العنب في ميه مغليه لمدة دقيقتين وبعدين نحطه في مصفاه ويترك جانبا
- نحضر خلطة المحشي.. نحضر حله ونحط فيها الزيت يسخن وبعدين نقطع البصل مكعبات صغيره ونشوحها في الزيت لغاية ما تصفر وبعدين ننزل عليها بعصير الطماطم والبهارات والملح ودبس الرمان ومكعب المرق والفلفل ونسيبها لغاية ما تتسبك (تتقل)
- بعد ما تتقل نقطع خضرة المحشي ونضيفها على الصلصه ونقلب كويس ونسيبها لمدة دقيقتين وبعدين نقفل
- نغسل الرز كويس ونصفيه وبعدين نحطه على الخلطه ونقلبه كويس ونحضر صينيه فيها طماطم مقطعه دواير وفلفل مقطع دواير وعصير لمونه... ونلف ورق العنب ونرصه فيها ونحط على الوش طماطم وفلفل
- نسقيه شوربه يا دوبك تكون ظاهره على الوش ونعصر لمونه تاني ونغطيه ونسيبه يغلي وبعدين نوطي النار خالص عشان يستوي. وبالف هنا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد