→ كل الوصفات

صينيه ارز بالبشاميل والخضار واللحمه المفرومه

طريقة عمل صينيه ارز بالبشاميل والخضار واللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو رز
  • 0.25 كيلو لحم, مفروم
  • كوبان خضار مشكلة (جزر والبازيلا والبطاطس)
  • 1 بصله
  • للبشاميل
  • كوبان لبن
  • 3 معالق دقيق
  • معلقتين سمن
  • ملح
  • فلفل اسمر
  • كمون
  1. اولا بعمل الرز الابيض بتاعنا العادي في الحله على النار مع الماء. او رز بايت من امبارح, عادي
  2. اعصج اللحم, جبت طاسه فيها زيت ونزلت عليها بالبصل المقطع صغير على النار
  3. اول مالونها بقي ذهبي, نزلت بالخضار المشكل وهوا الجزر والبازيلا والبطاطس. سلقتهم نص سلقه في ماء في حله على النار
  4. شوحتهم مع البصل ونزلت باللحم المفروم عليهم وظبطت الملح والبهارات وخففت النار عليهم
  5. وبعدين عملت البشاميل ٣ ملاعق سمن على ٣ ملاعق دقيق اول مالونها بقي ذهبي, نزلت باللبن واحده واحده مع التقليب المستمر, لحد ماتقل القوام. ظبطت الملح والفلفل الاسمر وطفيت عليه
  6. جبت بوله كبيره حطيت فيها الرز كله وطاسه العصاج بالخضار مع مغرفه بشاميل وقلبت كله في بعضه وحطيت الخليط كله في صينيه مدهونه سمن. وحطيت على الوجه كل البشاميل المتبقي
  7. دخلتها الفرن لحد ماجوانب الصينيه احمرت. طفيت وولعت الشوايه لتحمير الوجه. وبالهنا
عجبتك الوصفة؟
شوف كل وصفاتنا في مكان واحد
كل الوصفات →