→ كل الوصفات

صينيه بطاطس بحشو اللحم المفروم

طريقة عمل صينيه بطاطس بحشو اللحم المفروم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو بطاطس متوسطه الحجم
  • كمية جبنة موتزاريلا
  • 3 حبات طماطم
  • 200 غرام لحم مفروم
  • بهارات اللحم
  • رشة زنجبيل
  • ملح وفلفل اسود حسب الرغبة
  • ورق لورا واي بهارات تحبيها
  • فصين ثوم
  • شوية بقدونس
  • ملعقة صغيرة بابريكا
  1. اول حاجه هنسلق البطاطس نص سلقه يعني تكون لسه ماسكه نفسها علشان متتهريش -بعد كده نقشرها بالقشاره يعني نعاملها معامله البطاطس النيه😂 بعد كده هنقسمها نصين و يفضل تكون البطاطس من النوع الطويل ونبتدي نشيل قلبها وعلى طاسه على النار هنحط حوالي ٤ ملاعق سمنه و نبتدي نحمر البطاطس يعني تأخذ اللون الذهبي ونشيلها
  2. اللحمة هنبشر بصله صغيرة و بعدين هنحط البهارات و البقدونس و اللحمة و نعصجها بس لازم متكونش مستويه على الاخر يعني تكون لسه جوسي شويه
  3. هنفرم ٣طماطم و نحط عليهم البابريكا و ملح و بعدين عن نفس الطاسه اللي حمرنا فيها البطاطس هنقطع فصين ثوم و نحمرهم و بعدين هنحط عليهم عصير الطماطم و نسيبها تغلي ٥ دقائق و بعدين نقفل قبل ما تتسبك
  4. هنبتدي نحشي البطاطس باللحمه و نرصهم في الصينيه و بعدين هنصب عليهم عصير الطماطم ونسويه شويه على البوتاجاز و بعدين هنرش الموتزريلا و ندخله الفرن اول ما الموتزاريلا نسيح وتحمر شويه كده تبقى جاهزه
  5. والف هنا و شفا♥️
عجبتك الوصفة؟
شوف كل وصفاتنا في مكان واحد
كل الوصفات →