→ كل الوصفات
#جلاش #مشروم (فطر) #خضار الاكله دى طبعاً تحت بند دلع كرشك😂😂 اللي زهقوا من الاكل وعايزين يجددوا بعيد عن اللحوم والفراخ شوفوا الاكله دى هتعجبكوا جدااا..
المقادير
- لفه جلاش
- مشروم (فطر)
- حبه طماطم
- 2 حبات فلغل الوان او فلفل اخضر فقط
- جبنة موتزاريلا
- بيضه
- كوب لبن
- ملعقة صغيرة فلفل اسود
- معلقتين صلصة طماطم
- شرايح زيتون
طريقة التحضير
- لفه جلاش مع مشروم (فطر) وفلفل الوان او اخضر الموجود مش هيقول لا😂😂 وجبنه موتزاريلا لزوم التيست المظبوط وطماطمايه وزيتون شرايح ومعلقتين صلصة وطبعا بندهن ما بين كل طبقتين جلاش معلقتين سمنه او زبده عشان يورق ويبقى طعمه حلو ونحط الخليط بتاعنا في النص وعلى الوجه نحط كوب لبن مضروبه ببيضه وشويه فلفل اسمر عشان تدينا وجه مظبوط
- ونحطها في الفرن يكون متسخن قبلها بخمس دقائق ونسيبها من 12 ل 15 دقيقه وبعدين نطلعها نحط عليها موتزاريلا من فوق عشان تظبط الوجه ونشغل الشوايه 7 دقائق وبس كده🎉🎉
- ملحوظه صغيرة لو بتحبوه الجلاش طرى يبقى اوي ما يطلع من الفرن نغطيه عشر دقائق ولو مقرمش يبقى العكس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد