→ كل الوصفات

صينيه جمبري

#لذيذه #جديدة و الاهم من كل دة خفيفه جدا و هتعجبكو خالص #الدنيا_ربيع #اكلات_بالطماطم

  • كيلو جمبري كبير او وسط بقشره
  • بصله كبيره مقطعه شرائح رفيعه
  • شرائح اتنين فلفل اخضر مقطع
  • 0.5 كيلو بطاطس مقطعه شرائح متوسطه
  • 3 فصوص ثوم مقطع شرائح
  • عيدان بصل اخضر شرائح (اختياري)
  • ملح فلفل اسود
  • كوبين عصير طماطم
  • معلقتين كبيره صلصه طماطم
  • رشه سكر
  • 0.5 ملعقه صغيره كسبرة ناشفه
  • 0.5 ملعقه صغيره كمون
  • 0.5 ملعقه صغيره بهارات سمك (اختياري)
  • معلقتين كبيره زيت ذره
  1. نجيب الجمبري ونغسله كويس و نشيل خيط الرمل منه ونسيبه يصفي ميته
  2. نجيب طاسه و نسخنها كويس ونحط فيها الزيت و نحط التوم و بعد كدة البصل و الفلفل لحد ما البصل يدبل شويه
  3. و بعد كدة نحط الطماطم و الصلصه و نسيبهم ياخدو غلوة و نحط التوابل و الملح و السكر و نسيبهم يغلو دقيقتين و نطفي
  4. نجيب صينيه و نحط فيها البطاطس و فوقها الجمبري و نحط فوقهم الصلصه و البصل و الفلفل و ممكن نزود ميه علشان تغطي الجمبري و يستوي
  5. بعد كدة نحطه في الفرن و يكون سخن قبلها ونسيبه في الفرن نص ساعه ونطلعه نغطيه شويه و بعد كدة بالهنا والشفا بقي 💟😍
  6. متنسوش تدعولي الطعم حكايه فعلا و خصوصا البطاطس هتتخانقو عليها 😁😁
عجبتك الوصفة؟
شوف كل وصفاتنا في مكان واحد
كل الوصفات →