→ كل الوصفات
صينيه سمك سهله وسريعه ولذيذه وغنيه بالفيتامينات وتنفع للدايت لانها مافيهاش اي دهون 😍
المقادير
- كيلو سمك تونه
- 2 بطاطس
- 2 بصل كبار
- 3 جزر
- 3 طماطم
- ربطه شبت
- 1 فلفل حامي او رومي
- 1 ليمون
- توابل
- ملح
- كمون
- شطه
- نص كبايه مايه
- 3 سن ثوم
طريقة التحضير
- بنقطع البصل والبطاطس والجزر والفلفل والطماطم حلقات ونحطهم في الصينيه
- نكون منضفين السمك وغسلينو كويس جدا
- نجيب طبق ونبشر على المبشره جزره وفلفله حراقه وبصلايه حلوه كبيره كدا وجزره
- نقطع الشبت وندق الثوم ونحط الملح والفلفل والكمون و الشطة وليمون ونقلب كل دا مع بعضو ونحشي بطن السمك
- اللي بيتبقي من الخلطه دي بقلبو على الخضار اللي قطعتو في الصينيه واضيف نص كبايه مايه واحط السمك على وش الصينيه واغطيها بالورق الفويل او غطه حله
- ونحطه على البوتجاز ونشغل على النار العاليه ٥ دقايق وبعدين نوطي النار على الهادي ونسيبو لحد مايستوي
- وما ننساش من وقت للتاني نقلب الصينيه عشان كلو يستوي سوا واحد
- وبالف هنا 😍😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد