→ كل الوصفات

صينيه مسقعه باللحمه المفرومه والزبيب

طريقة عمل صينيه مسقعه باللحمه المفرومه والزبيب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 ك باذنجان رومي
  • 1/4 ك لحمة مفرومه
  • 2 حبات فليفلة خضرا رومي
  • عصير طماطم
  • 2 م ك صلصله
  • ملح وفلفل
  • كمون
  • كزبرة ناشفه
  • نص م ص سكر
  • بصله مفرومه
  • ملعقة ثوم مفروم
  • زبيب
  1. هنقطع الباذنجان بالطول (كده مش هيشرب زيت كتير و هو بيتقلي)
  2. هنرش عليه ملح و نحطه في مصفى انا سبته ساعة و نص تقريبا لما صفي الماء اللي فيه كلها
  3. هنقلي الباذنجان و نحطه على ورق قلي
  4. هنعمل اللحمة المفرومه بصله تتشوح في شويه زيت لما يتغير لونها ننزل بمعلقه ثوم مفروم و ننزل باللحمه المفرومه
  5. نقلب اللحمة لما تستوي بتأخذ ١٠ دقائق بالكتير ننزل بالفلفل الاخضر مقطع صغير جداً تقليبتين وننزل بالطماطم المضروب في الخلاط و معلقتين الصلصة و البهارات المذكوره أعلاه و السكر و نخفف عليها و نسيبها تتسبك
  6. نجيب طاجن او بايركس نرص الباذنجان و ننزل باللحمه المفرومه المتسبكه و نرش الزبيب على الوجه و ندوس عليه بظهر ملعقة يدخل شويه بسيطه في الصلصة وندخلها الفرن تأخذ وجه و الف هنا. جربوها بالخطوات دي بالظبط هتفرق في الطعم جدااااا
عجبتك الوصفة؟
شوف كل وصفاتنا في مكان واحد
كل الوصفات →