→ كل الوصفات

طاجن البامية باللحمه بطريقة تيتا ❤️

#النمليه

  • كيلو لحمة بقري
  • كيلو باميه متوسطة الحجم متقمعه
  • لتر من عصير الطماطم الفريش
  • بصلة كبيرة مفرومه
  • معلقة كبيرة ثوم مفروم
  • 5 فصوص حبهان
  • ورقتين لوري
  • معلقة ص ملح
  • معلقة ص بهارات لحمة
  • معلقة ص فلفل اسود
  • معلقة ص كزبره ناشفة
  • قطعة دهنه بقري
  • معلقتين كبار زيت
  1. في حله على النار ضيفي الدهنه البقري وعليها معلقتين كبار زيت
  2. بعد ما الزيت يسخن كويس والدهنة تسيح خرجي بواقي الدهنه وانزلي باللحمه تتصدم وتأخذ لون من الجنبين ومتقلبيش فيها قبل ما تأخذ لون علشان متصفيش الماء بتاعتها
  3. بعد تشويح اللحمة خرجيها وضيفي في نفس الحله البصلة المفرومه وقلبي لحد ما تصفر
  4. ضيفي فصوص الحبهان وورق اللوري وقلبي
  5. انزلي بالثوم المفروم وقلبي الثوم لحد ما يذبل
  6. نزلي قطع اللحمة تاني وقلبيها مع الثوم والبصل
  7. انزلي بعصير الطماطم وضيفي الفلفل والكذبره وبهارات اللحمة
  8. بعد ما اللحمة تأخذ غلوه في الصلصة اغمريها بالماء المغليه وسيبها لحد ما تدخل في التسويه
  9. اول ما اللحمة تدخل في التسوية ضيفي الملح والباميه وسيبيهم ياخدو غلوه على النار
  10. فضي البامية واللحمه في طاجن فخار وغطية بورق حراري ودخليه الفرن لحد ما الباميه واللحمه يستوو تماما
  11. شيلي ورق الفويل اخر خمس دقائق وشغلي الشوايه ياخذ لون
  12. خرجيه وقدميه ساخن بالف هنا ❤️👌💯
عجبتك الوصفة؟
شوف كل وصفاتنا في مكان واحد
كل الوصفات →