→ كل الوصفات

طاجن الباميه باللحمه 😋😋🤩 على طريقة صبحي كابر

طريقة عمل طاجن الباميه باللحمه 😋😋🤩 على طريقة صبحي كابر سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو لحمة مسلوقه نص سلقه🧐
  • ½ كيلو باميه متقلم
  • ½ كيلو طماطم في الخلاط🍅
  • بصله كبيره مقطعة مكعبات 🌰
  • فصين ثوم مهروسين
  • كزبرة ناشفه وفلفل اسود
  • ملح
  • شطه
  • 3 معالق زيت كبيرة
  • ½ لتر شوربة لحمة
  1. نبدأ بسم الله 🤗 نحضر الصلصة نحمر البصل المكعبات في الزيت السخن لحد ماينشق ويبقى لونه ذهبي غامق 😷 وننزل عليه بالصلصه والملح والفلفل الأسود ونسيبهم يتسبكوا مع بعض شويه
  2. في الوقت ده هنجيب الباميه ونشوحها في الزيت مع كزبره ناشفه وفصين الثوم المهروسين لحد مايتشمعوا مع بعض والنوم يبقى اصفر حلو كده😋ونضيف نص كوب شوربه ونسيبها لحد ما تستوي نص سوي فيها اهم حاجه بعد مانضيف الشوربه منقلبش بالمعلقه نحرك الحله كل شويه علشان الشوربه تسوي الباميه كويس
  3. اول مالصلصه تتسبك ننزل عليها بالشوربه بس الكميه اللي تخلي قوامها مش خفيف مظبوط كده 🧐 ونظبط الطعم كويس جداً لان الصلصة أساس الطاجن
  4. نجيب الطاجن أو الصينيه وننزل بالباميه النص سوا وننزل عليها بالصلصه التقيله ونغرس اللحمة جوه الطاجن 😋😋 ومتبقاش ظاهره في الطاجن
  5. هتدخل الفرن على حرارة عاليه من 200/250 هتفعد بالظبط ثلث ساعة او لحد ماتتشرب اللحمة والباميه الصلصة 👍
  6. آخر تركايه ودي اختياريه بس الطعم بيقي يجنن بصراحه 💃 هندخل الطاجن تحت الشوايه وعلى الوجه رشه شطه حمرا ⁦🌶️⁩ وتأخذ اللون اللي بيلمع كده والف هنا وشفا على قلبكم ياحبايبي 🥰🥰
عجبتك الوصفة؟
شوف كل وصفاتنا في مكان واحد
كل الوصفات →