→ كل الوصفات
طريقة عمل طاجن الباميه باللحمه 😋👩🍳 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس باميه انا جايبه بتاع امريكانا
- بصله كبيره مفرومه
- معلقتين سمنه كبار
- فلفل اسمر م ص مليانه
- لحمه مسلوقه ببصله وفلفل وتوابل اللحمه وجوزه الطيب وملح في الاخر
- معلقه توم مفروم
- ½ معلقه وتوم مفروم تاني
- طماطم معصوره مقدار لتر الا ربع مثلا او ع حسب الكميه
- معلقتين صلصه
- معلقه صلصه هريسه الشطه
- قرن فلفل حامي نكون شايلين راسه
- عصير ليمونه
- مكعب مرقه خصروات
- كوبايه شوربه من شوربه اللحمه ال عملناها
- ملح وفلفل اسمر
طريقة التحضير
- تقطعي بصلة كبيرة وعليها معلقتين سمن وشوية فلفل اسمر ومعلقه الثوم لما تبقي دهبي حطي اللحمه المسلوقه وافضلي قلبي لحد ما تحسي ان اللحمة اتشوحت مع البصل
- وبعد كدة تحطي الباميه مع نص معلقه الثوم ومكعب المرقه وتقلبي وتغطيها دقيقتين
- بعد كدة هتكون البامية اصفرت شوية تحطي بقي صلصه الطماطم المعصورة وعليهم معلقتين صلصة وعصير ليمونه ومعلقه هريسه الشطه وهنحط قرن الفلفل الحامي
- وبعد كدة سبيها اول ما تغلي وتحسي ان الطماطم نشفت فيها شوية حطي كوباية شوربة لاقتيها عاوزه تاني حطي نص كوباية تاني وقبل ما تدخل علي السوا حطي الملح وشوية فلفل اسمر تاني
- وبعد كدة اقلبيها في الطاجن ودخليها الفرن علي الشواية تاخد لون بس والف هنا 😍😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد