→ كل الوصفات
وصفه سهله جدا وحلوه وكل مكوناتها موجوده ف البيت جربوها ومش هاتندمو #ع_طريقتي
المقادير
- ½ كليو لحمه مفرومه
- 2 بصله كبيره مفرومه ناعم
- ½ كوب شبت ع بقدونس
- ½ كوب بقسماط ناعم
- بيضه
- ملح و فلفل اسود و بهارات لحمه
- رشه قرفه صغننه
- 4 حبات بطاطس وسط
- بصله وسط
- 3 كوب عصير طماطم
- 4 فص توم
- م ص فلفل حامي مهروس
- ملح و فلفل اسود و رشه قرفه
- مكعب مرقه
- ¼ م ص كمون
- 3 م ك زيت ع سمنه
- 2 هيل صحيح و ورق لوري
طريقة التحضير
- اولا.. هانحضر الكفته هانحط البصل المفروم ناعم ف الكبه مع اللحمه والبقسماط والخضره والبهارات والبيضه ونخلطهم كويس جدا.. نطلعها من الكبه نكورهم كور وسط أو صغيره حسب الرغبه طبعا و ندخلها التلاجه ونجيب صنيه نحط فيها زيت ونخليه يسخن ننزل بحبه هيل ونبدأ نرص الكفته و نحمرها تاخد لون بس
- ف نفس الصنيه اللي حمرنا فيها الكفته هاننزل ببصله مقطعه مكعبات وسط ونقلبها كويس لحد ما يتغير لونها و نزل عليها بمكعبات البطاطس و نقلب كويس ونديها بقى رشه بهارات و ملح وفلفل اسود ورشه قرفه و مكعب مرقه ونقلبهم لحد ما تدبل معنا البطاطس
- ف الخلاط هانحط عسير الطماطم و الفلفل الحامي والتوم و نخلطهم كويس و نزل بيهم ع مكعبات البطاطس ونخليهم ياخدو غلوه ونحطها ف الطاجن و نرص معاها كرات اللحمه و ندخلها الفرن يكنلو سوا مع بعض وبعد كدا نحمرها ونقدمها مع الرز والسلطه وبالهنا والشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد